Shatrughn Sinha is no more VIP for Patna air port authorities | Sarkarnama


ब्रेकिंग न्यूज

नगरमध्ये दुपारी तीन वाजेपर्यंत 45 % मतदान
सातारा सातारा लोकसभा मतदारसंघ ३ वाजेपर्यंत ४३ .१४ टक्के मतदान
औरंगाबाद लोकसभा मतदारसंघात दुपारी तीन वाजेपर्यंत 45 टक्के मतदान
रावेर लोकसभा मतदार संघात 3 वाजेपर्यंत 38.12% मतदान
जळगाव लोकसभा मतदार संघात 3 वाजेपर्यंत 37.24% मतदान
रायगड मध्ये तीन वाजेपर्यंत 38.46 टक्के मतदान
बारामतीत ३ वाजेपर्यंत ४१.७५ टक्के मतदान
पुण्यात ३ वाजेपर्यंत ३३.०४ टक्के मतदान
रत्नागिरी-सिंधुदुर्ग लोकसभा मतदार संघात 3 वाजेपर्यंत झालेले मतदान 45.10 टक्के

शत्रुघ्न सिन्हा आता व्हीआयपी नाहीत !

वृत्तसंस्था
मंगळवार, 1 जानेवारी 2019

भारतीय जनता पक्षाचे नेते आणि खासदार शत्रुघ्न सिन्हा यांना या पुढे पाटणा विमानतळावर व्हीआयपी ट्रीटमेंट मिळणार नाही.

पाटणा :  भारतीय जनता पक्षाचे नेते आणि खासदार शत्रुघ्न सिन्हा यांना या पुढे पाटणा विमानतळावर व्हीआयपी ट्रीटमेंट मिळणार नाही.

पाटण्याच्या जयप्रकाश नारायण विमानतळाचे डायरेक्‍टर राजेंद्र सिंग लाहुरिया यांनी सांगितले की, "शत्रुघ्न सिन्हा यांना यापूर्वी विमानतळावर व्हीआयपी ट्रीटमेंट दिली जात असे. विमानतळावर त्यांची किंवा त्यांच्या सामानाची तपासणी होत नसे. पण आता शत्रुघ्न सिन्हा यांची नियमित तपासणी होईल.''

"शत्रुघ्न सिन्हा हे माजी केंद्रीय मंत्री आहेत. त्यांना त्यांची कार घेऊन विमानतळावरील धावपट्टीवर थेट विमानापर्यंत जाता येत असे. मात्र त्यांना व्हीआयपी दर्जा असल्याचे पत्र जून 2018 नंतर आलेले नाही. त्यांच्या व्हीआयपी दर्जाला मुदतवाढही देण्यात आलेली नाही त्यामुळे आम्ही हा निर्णय घेत आहोत, '' असे ही ते म्हणाले.

शत्रुघ्न सिन्हा हे भाजपचे ज्येष्ठ नेते आहेत . पंतप्रधान नरेंद्र मोदी यांच्या कार्यपध्दतीवरील आपली नाराजी त्यांनी अनेकदा उघडपणे बोलून दाखवलेली आहे . त्यामुळे ते सध्या अडगळीत पडलेले नेते झाले आहेत . त्यांचे राजद नेते लालू प्रसाद यादव यांच्याशीही चांगले  संबंध  असून येत्या लोकसभा निवडणुकीत  शत्रुघ्न सिन्हा  काँग्रेस किंवा राजदचे उमेदवार असतील अशी बिहारच्या राजकीय वर्तुळात चर्चा आहे . 

संबंधित लेख