कोल्हापूर : "मराठा बांधवांनो, शांततेत मूक मोर्चे होऊनही सरकारला जाग येत नसेल, तर आता उठा पुढच्या तयारीला लागा,'' असे आवाहन श्रीमंत शाहू छत्रपती महाराज यांनी केले.
"मराठा ठोक मोर्चा'वेळी ते बोलत होते. ऐतिहासिक दसरा चौकात समाजबांधवांसमोर त्यांनी सरकारविरोधात घणाघाती प्रहार केले.
शाहू महाराज म्हणाले, "मराठा समाजाचा आवाज मुंबई व दिल्लीपर्यंत पोचल्याशिवाय आता राहणार नाही. जर तो सरकारने ऐकला नाही तर काय होईल, हे सांगता येत नाही. केवळ आरक्षण देण्यासाठी कटिबद्ध असल्याच्या वल्गना गेली चार वर्षे सरकार करत आहे. शिक्षण व नोकरीत आरक्षण मिळावे, ही समाजाची न्यायाची मागणी आहे. सर्व जण आरक्षण देण्यासाठी कटिबद्ध असल्याचे सांगत आहेत. मग चार वर्षे का थांबला, हा प्रश्‍न आहे. राज्य व केंद्रात एकाच पक्षाची सत्ता आहे मग आरक्षण देण्यात अडथळा कोणता आहे? मराठ्यांच्या वेदना सरकारला कळत नाहीत का? अनेक वर्षांपासूनच्या या वेदना आहेत. राजर्षी छत्रपती शाहू महाराजांनी मराठा समाजालासुद्धा आरक्षण दिले होते. त्याच समाजाची स्थिती आता "ना घर ना घाट का,' अशी झाली आहे. ती बदलण्यासाठी सरकारने योग्य पावले उचलावीत. जर आरक्षण देण्यात सरकार टाळाटाळ करत असेल, तर मराठा बांधवांनी पुढील तयारीला लागावे.''
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.