मराठा आरक्षण आंदोलन : पुणे शहर व जिल्ह्यात शाळा, महाविद्यालये गुरूवारी बंद राहणार 

मराठा आरक्षण आंदोलन : पुणे शहर व जिल्ह्यात शाळा, महाविद्यालये गुरूवारी बंद राहणार 

पुणे : मराठा क्रांती मोर्चाने आयोजित केलेल्या आंदोलनादरम्यान अनुचित प्रकार घडण्याची शक्‍यता गृहीत धरून जिल्हा प्रशासनाने पुणे शहरासह जिल्ह्यातील सर्व शाळा, महाविद्यालयांसह सार्वजनिक आणि अभिमत विद्यापीठे उद्या क्रांतीदिनी (ता.9) बंद ठेवण्याची सूचना जारी केली आहे. प्रवासी वाहतूक व्यवस्था मात्र सुरू राहणार आहे.

 
मराठा समाजाच्या संघटना उद्या विविध ठिकाणी आंदोलन करणार आहेत. या दरम्यान दगडफेकीची शक्‍यता गृहीत धरून जिल्हा प्रशासनाने हे आदेश जारी केले आहेत. रेल्वेसेवा सुरळीत सुरू ठेवण्यात येणार असल्याचे रेल्वे प्रशासनाने सांगितले आहे. एसटी सेवा सुरू ठेवायची की नाही. यावर आज पाच वाजता विभागीय नियंत्रकांनी आढावा बैठक बोलविली होती. मात्र, बससेवा सुरू वा बंद ठेवण्याबाबत उद्या निर्णय घेतला जाणार आहे. 

पीएमपीची बससेवा सुरू की बंद राहणार याचा निर्णय देखील उद्याच होणार आहे. शहरातील स्थितीचा आढावा घेण्यात येईल. परिस्थिती चिघळल्यास बससेवा बंद ठेवण्याचे सूतोवाच अधिकाऱ्यांनी केले आहे. जिल्हाधिकाऱ्यांच्या आदेशामुळे पुणे जिल्ह्यातील ग्रामीण आणि शहरी भागातील शाळा, महाविद्यालयांसह सार्वजनिक आणि अभिमत विद्यापीठे गुरूवारी बंद राहतील. पुणे महापालिकेने देखील सर्व प्राथमिक, माध्यमिक महापालिका आणि खाजगी व्यवस्थापनाच्या शाळा बंद ठेवण्याच्या सूचना जारी केल्या आहेत. सावित्रीबाई फुले पुणे विद्यापीठही उद्या बंद राहणार असल्याचे प्रशासनाने कळविले आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com