युवक कॉंग्रेसच्या प्रदेशाध्यक्षपदी सत्यजीत तांबे  

युवक कॉंग्रेसच्या प्रदेशाध्यक्षपदी सत्यजीत तांबे  

माजी महसूलमंत्री बाळासाहेब थोरात यांचे ते भाचे आहेत.

पुणे : महाराष्ट्र प्रदेश युवक कॉंग्रेसच्या निवडणुकीत सत्यजीत तांबे हे सर्वाधिक मते घेऊन प्रदेशाध्यक्ष झाले. त्यांच्यासोबतच आमदार अमित झनक हे दुसऱ्या क्रमांकाची मते घेऊन उपाध्यक्ष झाले. कुणाल राऊत हेदेखील उपाध्यक्ष म्हणून निवडून आले आहे. याखेरीज ६० युवकांची प्रदेश कार्यकारणी देखील या निवडणुकीच्या माध्यमातून तयार झाली आहे.  

नवनिर्वाचित प्रदेशाध्यक्ष सत्यजीत तांबे यांनी दोन वेळा अहमदनगर जिल्हा परिषदेचे सदस्य म्हणून काम केले आहे. अहमदनगर विधानसभा मतदारसंघातून त्यांनी २०१४ ला कॉंग्रेस पक्षाच्या तिकिटावर निवडणूक लढविली होती. गेल्या पंधरा वर्षांपासून एनएसयुआय व युवक कॉंग्रेसच्या माध्यमातून महाराष्ट्रात संघटनबांधणी त्यांनी केली आहे.

अभ्यासू, आक्रमक आणि तळागाळातील कार्यकर्त्यांशी नाळ जोडलेला कॉंग्रेसमधील युवानेता अशी त्यांची ओळख आहे.  माजी महसूलमंत्री आ. बाळासाहेब थोरात यांचे ते भाचे आहेत. या आगोदर दोन वेळा त्यांनी युवक कॉंग्रेसचे उपाध्यक्षपद भूषविले आहे. नागरी विकास, अंतरराष्ट्रीय राजकारण आणि युवक सशक्तीकरण या विषयावर त्यांचा विशेष अभ्यास आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com