sangram thopte birthday | Sarkarnama


ब्रेकिंग न्यूज

मराठा समाजाला स्वतंत्र कोट्यातूनच आरक्षण : मुख्यमंत्री
ओबीसी आरक्षणाला धक्का न लावता राज्य सरकार मराठा समाजाला आरक्षण देणार - मुख्यमंत्री
मराठा समाजाला आरक्षण देण्यासाठी स्वतंत्र प्रवर्ग तयार करणार - मुख्यमंत्र्यांची घोषणा

आजचा वाढदिवस : संग्राम थोपटे - आमदार (भोर, मुळशी, वेल्हे) 

विजय जाधव 
बुधवार, 7 नोव्हेंबर 2018

घरातील राजकीय बाळकडूच्या जोरावर आणि माजी मंत्री व कॉग्रेसचे ज्येष्ठ नेते अनंतराव थोपटे यांच्या पाठबळामुळे राज्यातील सर्वांत डोंगराळ व अडचणीचा असलेल्या भोर विधानसभा मतदारसंघात आमदार संग्राम थोपटे यांनी आपल्या कामाचा ठसा उमटविला आहे. भोर मतदारसंघातील भोर, वेल्हे व मुळशी तालुक्‍यात आमदार संग्राम थोपटे जनसामान्यांमध्ये आपल्या कर्तृत्वाची छाप पाडली आहे. पुणे जिल्ह्यात कॉग्रेसचे एकमेव आमदार असलेले संग्राम थोपटे विकासकामे करण्यात यशस्वी ठरत आहेत. मागील चार वर्षांच्या कालावधीत त्यांनी मतदारसंघात सुमारे 450 कोटींची विकासकामे केली आहेत. 

घरातील राजकीय बाळकडूच्या जोरावर आणि माजी मंत्री व कॉग्रेसचे ज्येष्ठ नेते अनंतराव थोपटे यांच्या पाठबळामुळे राज्यातील सर्वांत डोंगराळ व अडचणीचा असलेल्या भोर विधानसभा मतदारसंघात आमदार संग्राम थोपटे यांनी आपल्या कामाचा ठसा उमटविला आहे. भोर मतदारसंघातील भोर, वेल्हे व मुळशी तालुक्‍यात आमदार संग्राम थोपटे जनसामान्यांमध्ये आपल्या कर्तृत्वाची छाप पाडली आहे. पुणे जिल्ह्यात कॉग्रेसचे एकमेव आमदार असलेले संग्राम थोपटे विकासकामे करण्यात यशस्वी ठरत आहेत. मागील चार वर्षांच्या कालावधीत त्यांनी मतदारसंघात सुमारे 450 कोटींची विकासकामे केली आहेत. 

कॉग्रेसचा बालेकिल्ला समजल्या जाणा-या भोर-वेल्हे तालुक्‍यात मुळशी तालुक्‍याचा समावेश झाला. तरीही 2009 साली राजकारणातील पहिल्या विधानसभेच्या निवडणुकीत आमदार संग्राम थोपटे यांनी नियोजनबद्ध प्रचार करून विरोधकांवर मात केली. 2014 च्या विधानसभा निवडणुकीतही त्यांनी विजयाची परंपरा कायम राखली. भोर तालुक्‍यातील बंद पडण्याच्या स्थितीतील राजगड सहकारी साखर कारखाना सुस्थितीत आणण्याचे धनुष्य त्यांनी यशस्वीपणे पेलले आहे. पुणे जिल्हा मध्यवर्ती सहकारी बॅंक, राजगड कारखाना, भोर नगरपालिका, तालुका खरेदी-विक्री संघ, कृषी उत्पन्न बाजार समिती यासारख्या सहकारी संस्थांवर आपली पकड कायम ठेवली आहे. राजगड ज्ञानपीठाच्या माध्यमातून सुशिक्षित तरुण-तरुणीशी असलेल्या योग्य संपर्कामुळे तरुणाईही सदैव त्यांच्यासोबत राहिली आहे. 

मतदारसंघाच्या मुळशी तालुक्‍यातील लव्हासा व हिंजवडी परिसर, वेल्हे तालुक्‍यातील गुंजवणी-चापेट, पानशेत व वरसगाव धरण आणि भोरमधील नीरा-देवघर भाटघर धरणांचे प्रश्न सोडविण्यासाठी त्यांनी विशेष प्रयत्न केले आहेत. मतदारसंघातील गड किल्ले, रस्ते, वीज आणि पाण्याचे प्रश्न सोडविण्यासाठी सदैव तयार राहिले आहेत. तालुक्‍यातील पर्यटनाच्या दृष्टीने आणि तीर्थक्षेत्रांच्या दर्जासाठी प्रयत्न सुरू असून भोरमधील एम.आय.डी.सी. चा हाती घेतलेला प्रश्न पूर्ण करण्याचा त्यांचा मानस आहे. 

संबंधित लेख