`संभाजी भिडे अपघाताने काॅंग्रेस कमिटीत; आम्ही निमंत्रण दिले नव्हते`

`संभाजी भिडे अपघाताने काॅंग्रेस कमिटीत; आम्ही निमंत्रण दिले नव्हते`

सांगली : शिवप्रतिष्ठानचे संस्थापक संभाजी भिडे यांना कॉंग्रेस कमिटीत शहिदांना श्रद्धांजली वाहण्यासाठी आम्ही कुणीही बोलावलेले नव्हते. ते अपघाताने त्या ठिकाणी आले. त्याची शहर कॉंग्रेसला कुठलीही कल्पना नव्हती, असा खुलासा कॉंग्रेसचे शहर जिल्हाध्यक्ष पृथ्वीराज पाटील यांनी केला आहे.

 पुलवामा येथे झालेल्या अतिरेकी हल्ल्यातील हुतात्मा जवानांना श्रद्धांजली वाहण्यासाठी कॉंग्रेस कमिटीने सभा आयोजित केली होती. काॅंग्रेसच्या सभेत संभाजी भिडे सहभागी झाल्याने राजकीय धुराळा उडाला आहे. वंचित विकास आघाडीचे अध्यक्ष प्रकाश आंबेडकर यांनी तर त्यावरून जोरदार टीका केली होती. त्यावरून पाटील यांना खुलासा करण्याची वेळ आली.

पाटील म्हणाले, "कॉंग्रेस कमिटीसमोर शनिवारी श्रद्धांजली सभेचे आयोजन करण्यात आले होते. मी त्या ठिकाणी जाण्याआधी संभाजी भिडे तेथे आले होते. ते रस्त्यावरून निघाले होते. कमिटीसमोरील गर्दी पाहून त्यांनी दुचाकी थांबवली. तोवर मी तेथे आलो. शहिदांना श्रद्धांजली वाहताना कोण कुठल्या पक्षाचा, विचारांचा याचा विषयच येत नसल्याने आम्ही न्यूट्रल होतो. तीच आपली संस्कृती आहे. श्रद्धांजली वाहिली आणि कार्यक्रम संपला. संभाजी भिडे त्यांच्या वाटेने निघून गेले आणि आमच्या वाटेने. यात कुठलेही राजकारण नाही.

भिडे यांचे तिथे येणे ही काही मंडळींना ही संधी वाटली आणि ते टीका करत आहेत. त्याचा मुद्दा करण्याचा प्रयत्न करताहेत, हे योग्य नाही. दहशतवादी हल्ल्याचा निषेध करण्यासाठी होणाऱ्या सभेशी राजकारण जोडणे चुकीचे आहे. आपले राजकारण अडचणीत आहे, असे वाटणाऱ्या काहींनी हा प्रयत्न चालवल्याची आमची माहिती आहे. पण लोक शहाणे आहेत, असेही पाटील यांनी स्पष्ट केले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com