सोलापूर: ज्या हातकणंगले लोकसभा मतदार संघातून स्वाभिमानीचा खासदार सलग दुसऱ्यांदा विजयी झाला ती जागा मिळविण्यासाठी आम्हाला कॉंग्रेसोबत जाण्याची आवश्‍यकता नाही. 2019 च्या लोकसभा निवडणूकीत हातकणंगले आम्ही जिंकू. आम्हाला लोकसभेच्या किमान सात जागा मिळाल्या तरच आम्ही कॉंग्रेस आघाडीसोबत जाऊ, अशी माहिती स्वाभिमानीचे प्रदेशाध्यक्ष रविकांत तुपकर यांनी दिली.
एकरकमी एफआरपीबाबत सुरू असलेल्या उपोषणावर तोडगा काढण्यासाठी आज जिल्हाधिकारी कार्यालयात आढावा बैठक झाली. या बैठकीच्या निमित्ताने तुपकर सोलापूरच्या दौऱ्यावर आले होते. बैठकीनंतर पत्रकारांशी संवाद साधताना त्यांनी ही माहिती दिली. माढा लोकसभा मतदार संघातून आपणही इच्छुक आहे म्हणूनच आज तोडगा काढण्यासाठी या ठिकाणी आलो असल्याचे तुपकर यांनी सांगितले. स्वाभिमानीला हातकणंगलेसह, माढा, बुलढाणा, वर्धा, कोल्हापूर, सांगली, धुळे, नंदुरबार हे लोकसभेचे मतदारसंघ हवे आहेत. नुसत्या एका हातकणंगलेसाठी आम्ही कॉंग्रेससोबत जाणार नाही. आमचे पर्याय आम्हाला खुले असल्याचे त्यांनी सांगितले. सांगली लोकसभा मतदार संघासाठी स्वाभिमानीने प्रभावी उमेदवार शोधला असून लवकरच त्याची घोषणा होणार असल्याचेही त्यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.