पुणे : भाजप आणि शिवसेनेमध्ये खूप मोठी दरी नाही. काही मतभेद आहेत मात्र आमच्या भूमिका एकमेकांना पूरक आहे. दोन्ही पक्षांची विचारधारा समान आहे. त्यामुळे अयोध्येत शिवसेनेने जो कार्यक्रम घेतला आहे त्याबद्दल मी पक्षप्रमुख उद्धव ठाकरे यांचे स्वागतच करतो. निवडणुकीच्या तोंडा समविचारी पक्ष जर एकत्र येत असतील तर आम्हीही एकत्र येऊ शकतो अशी भूमिका भाजपचे प्रदेशाध्यक्ष रावसाहेब दानवे यांनी आज मांडली.
अयोध्येच्या उद्धव ठाकरेंच्या दौऱ्यावर बोलताना दानवे म्हणाले, की भाजप आणि शिवसेना हे दोन वेगळे पक्ष आहेत. राम मंदिर हा कोण्या एका पक्षाचा मुद्दा नाही. जर कॉंग्रेस-राष्टवादीनेही या मुद्यावर पाठिंबा दिला तर त्याचे स्वागत आहे.
राम हा श्रद्धेचा भाग आहे. राम मंदिराचा मुद्दा हा न्यायप्रविष्ठ आहे. त्यामुळे सरकारच्याही काही मर्यादा आहेत. एकतर हा प्रश्‍न कोर्टात किंवा तडजोडीने सोडविता येऊ शकतो. 2014 ची निवडणूक सोडली तर आम्ही गेल्या पंचवीस वर्षापासून आम्ही एकत्र लढलो आहोत. त्यामुळे आम्ही एकत्र येऊ शकतो. हिंदुत्त्वाच्या मुद्यावर शिवसेनेने यापूर्वीही आम्हाला पाठिंबा दिला होता याकडेही त्यांनी लक्ष वेधले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.