फलटण : जय मल्हार क्रांती संघटनेने बेरड रामोशी समाजाचा अनुसूचित जमाती (एसटी) प्रवर्गात समावेश करावा, या मागणीसाठी शनिवारी (ता.11) सकाळी 11 वाजता फलटण तहसीलदार कार्यालयावर मोर्चा काढण्यात येणार आहे.
बेरड व रामोशी समाजाला आजपर्यंत शासकीय सोयी-सुविधा उपलब्ध झालेल्या नाहीत. हा समाज आजही मागासलेला आहे. 50 ते 60 लाख लोकसंख्या असलेल्या या समाजाला विमुक्त जातीमध्ये समाविष्ट केले आहे. त्यामध्ये तत्सम 14 जाती समाविष्ट आहेत. त्यामुळे रामोशी समाजाला आरक्षणाचा फायदा मिळत नाही. बेरड, बेडर व रामोशी या सर्व जाती एकच आहेत. इतर राज्यांमध्ये अनुसूचित जमाती प्रवर्गात त्यांचा समावेश आहे. अनुसूचित जमातीमध्ये समावेश करण्यासाठी महाराष्ट्रातील सर्व तहसील व जिल्हाधिकारी कार्यालयांत निवेदने देण्यात आली आहेत. येत्या 16 ऑगस्ट तारखेपासून कोल्हापूर येथे रास्ता रोको आंदोलन करण्यात येणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.