मुंबई : सायन पनवेल महामार्गालगतची तुर्भे येथील सार्वजनिक बांधकाम विभागाच्या मालकीची जमीन खाजगी व्यक्तीने परस्पर विकल्याची कबुली सार्वजनिक बांधकाम मंत्री चंद्रकांत पाटील यांनी विधान परिषदेत दिली. या संदर्भात शिवसेनेचे रविंद्र फाटक यांनी तारांकित प्रश्न विचारला असता पाटील बोलत होते.
सायन पनवेल महामार्गासाठ शासनाने 1965 साली संपादित केलेल्या तुर्भे येथील 2 हेक्‍टर 88 आर या जमिनीतील शिल्लक 1 हेक्‍टर 70 आर इतकी जमीन शासनाने मूळ मालकाला परत केल्याचे बनावट कागद पत्रां द्वारें दाखवून पुण्यातील एका गुंतवणूक दारासोबत15 कोटींचा व्यवहार करून विजय बाबू पाटील आणि अन्य 38 जणांनी शासनाची फसवणूक करण्यात आली.
याबाबत नवी मुंबई पोलिसांच्या आर्थिक गुन्हे शाखेकडून तपास सुरू असल्याची माहिती चंद्रकांत पाटील यांनी दिली. मात्र सदरच्या जमिनीचा 7/12 सार्वजनिक बांधकाम विभागाच्या नावावर असल्याची माहिती त्यांनी दिली. सदरचा गैरव्यवहार होताना नोंदणी विभागातील अधिकारी सामील होते किंवा नाही याबाबत योग्य चौकशी करण्याचे आश्वासन चंद्रकांत पाटील यांनी यावेळी दिली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.