पुणे राष्ट्रवादी युवक अध्यक्ष पाचुंदकर यांचा राजीनामा 

पुणे जिल्हा राष्ट्रवादी युवक कॉंग्रेसचे अध्यक्ष मानसिंग पाचुंदकर यांनी अध्यक्षपदाचा राजीनामा जिल्हाध्यक्ष जालिंदर कामठे यांच्याकडे आणि शिरूर कृषी उत्पन्न बाजार समितीच्या संचालकपदाचा राजीनामा सभापती शशिकांत दसगुडे यांच्याकडे दिला आहे.
पुणे राष्ट्रवादी युवक अध्यक्ष पाचुंदकर यांचा राजीनामा 
पुणे राष्ट्रवादी युवक अध्यक्ष पाचुंदकर यांचा राजीनामा 

तळेगाव ढमढेरे- पुणे ः पुणे जिल्हा राष्ट्रवादी युवक कॉंग्रेसचे अध्यक्ष मानसिंग पाचुंदकर यांनी अध्यक्षपदाचा राजीनामा जिल्हाध्यक्ष जालिंदर कामठे यांच्याकडे आणि शिरूर कृषी उत्पन्न बाजार समितीच्या संचालकपदाचा राजीनामा सभापती शशिकांत दसगुडे यांच्याकडे दिला आहे. शिरूर कृषी उत्पन्न बाजार समितीच्या सभापतिपदासाठी डावलल्याचे कारण सांगून त्यांनी राजीनामा दिल्याचे समजते. 

राष्ट्रवादी कॉंग्रेसच्या युवक अध्यक्षपदाची सूत्रे हाती घेतल्यानंतर उत्कृष्ट काम केल्याबद्दल त्यांना शिरूर कृषी उत्पन्न बाजार समितीचे सभापतिपद मिळेल, अशी अपेक्षा होती; परंतु ऐनवेळी पक्षश्रेष्ठींनी दसगुडे यांच्या गळ्यात सभापतिपदाची माळ घातली. 

पाचुंदकर यांच्या राजीनाम्यामुळे जिल्हा राष्ट्रवादी युवक कॉंग्रेसमध्ये अचानक राजकीय भूकंप झाला आहे. त्यांचा राजीनामा जिल्हाध्यक्ष जालिंदर कामठे व सभापती दसगुडे स्वीकारणार की नाही, या राजीनाम्यावर पक्षश्रेष्ठी काय निर्णय घेणार हे लवकरच समजणार आहे; मात्र पाचुंदकर यांच्या राजीनाम्यामुळे पदाधिकारी व कार्यकर्त्यांमध्ये सध्यातरी संभ्रमावस्था निर्माण झाली आहे. पाचुंदकर हे दिलीप वळसे पाटील व माजी आमदार अशोक पवार यांचे खंदे समर्थक मानले जातात. आता त्यांच्या राजीनाम्यावर हे दोघे काय निर्णय घेणार, हे येत्या काही दिवसांत कळेल. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com