मराठा समाजाला आरक्षण न दिल्यास उद्रेक : उदयनराजे भोसले 

"आरक्षणासाठी उद्रेक झाला, तर लोक ऐकणार नाहीत. हात जोडून विनंती करतो, की त्यातून मार्ग काढा. अन्यथा अनर्थ झाल्याशिवाय राहणार नाही,'' असा इशारा खासदार उदयनराजे भोसले यांनी आज येथे दिला.
मराठा समाजाला आरक्षण न दिल्यास उद्रेक : उदयनराजे भोसले 

पुणे : "आरक्षणासाठी उद्रेक झाला, तर लोक ऐकणार नाहीत. हात जोडून विनंती करतो, की त्यातून मार्ग काढा. अन्यथा अनर्थ झाल्याशिवाय राहणार नाही,'' असा इशारा खासदार उदयनराजे भोसले यांनी आज येथे दिला. 

मराठा आरक्षण परिषदेनंतर ते पत्रकारांशी बोलत होते. ते म्हणाले, की लोक ऐकण्याच्या मनस्थितीत नाहीत. आरक्षणाच्या मागणीला 30 वर्षे झाली. आता अंत पाहू नका. राजकारणी, न्यायव्यवस्था आणि प्रशासनाने तातडीने निर्णय घ्यावा. दबाव आला तरच आरक्षण देणार का ? आरक्षण देत नाही असे तरी सांगा. देणार असाल तर तसे तरी सांगा. मराठा समाजावर नक्षलवादी बनण्याची वेळ आणू नका. आरक्षणासारख्या प्रश्‍नाला नॉन-इश्‍यू बनवू नका. तसे धाडस करू नका. 

परिस्थिती हाताबाहेर जाऊ देऊ नका. कायद्याचे कारण पुढे करत आरक्षण रखडवू नका. आचारसंहितेचे कारण देऊ नका. आत्महत्या थांबल्या पाहिजेत. आरक्षण द्या. सर्व सुरळित होईल, असेही त्यांनी सांगितले.  
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com