पिंपरी : गेल्यावर्षी "टॉप टेन' मध्ये (नऊ) असलेल्या पिंपरी-चिंचवडचा दर्जा "स्वच्छ सर्वेक्षण 2017' मध्ये मोठ्या प्रमाणात घसरला असून शहर 73 व्या क्रमांकांवर फेकले गेले आहे. नुकतेच बदली झालेले अकार्यक्षम पालिका आयुक्त दिनेश वाघमारे आणि या स्वच्छ भारत स्पर्धेतील प्रभावी "प्रेझेंटेशन'अभावी ही आफत आल्याचे बोलले जात आहे. शहर हागणदारीमुक्त न झाल्याची बाबही त्याला कारणीभूत ठरली आहे.
केंद्रीय शहर विकास मंत्रालयाने 2016 पासून हे अभियान सुुरू केले आहे. पहिल्याच वर्षी देशभरातील 73 शहरे त्यात सामील झाली. त्यात नववा क्रमांक पिंपरी-चिंचवडने मिळविला होता. हा सन्मान त्यावेळचे पालिका आयुक्त राजीव जाधव व पालिका पदाधिकाऱ्यांनी दिल्लीत जाऊन स्वीकारला होता. मात्र, त्यांच्या बदलीनंतर वाघमारे आयुक्त म्हणून शहरात आले. त्यांची इच्छा नसतानाही फक्त पालिका निवडणुकीपुरते त्यांना आणल्याची चर्चा झाली होती. ही निवडणूक झाल्यानंतर वर्षभरातच टर्म पूर्ण होण्याच्या आतच त्यांची बदली झाल्याने ही चर्चा खरीही ठरली. कुटुंब मुंबईत असल्याने नाइलाजाने त्यांना येथे काम करावे लागले. परिणामी स्वच्छ सर्वेक्षणाचा दर्जा टिकविता आला नाही. उलट तो प्रचंड घसरला. नवव्या क्रमाकांवरून शहर 73 व्या नंबरवर फेकले गेले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.