पनवेल, भिवंडी-निजामपूर व मालेगाव पालिकांच्या निवडणुका 24 मे रोजी

निवडणूक कार्यक्रम- उमेदवारी अर्ज सादर करणे ः29 एप्रिलते6 मे- अर्जांची छाननी-8 मे- उमेदवारी मागे घेण्याची मुदत -11 मे-निवडणूक चिन्हांचे वाटप-12 मे- उमेदवारांची अंतिम यादी-12 मे- मतदान-24 मे(सकाळी 7.30 ते सायं. 5.30)- मतमोजणी-26 मे
पनवेल, भिवंडी-निजामपूर  व मालेगाव  पालिकांच्या निवडणुका 24 मे रोजी

मुंबई :  पनवेल, भिवंडी-निजामपूर व मालेगाव महानगरपालिकांच्या निवडणुकांसाठी 24 मे रोजी मतदान होणार आहे. या निवडणुकांची मतमोजणी 26 मे रोजी होईल. या पालिकांच्या क्षेत्रांत बुधवारपासूनच आचारसंहिता लागू झाली, अशी घोषणा राज्य निवडणूक आयुक्त ज. स. सहारिया यांनी पत्रकार परिषदेत केली.


सहारिया म्हणाले, नवनिर्मित पनवेल महापालिकेची ही पहिलीच सार्वत्रिक निवडणूक आहे. भिवंडी-निजामपूर पालिकेची मुदत 10 जूनला तर मालेगाव पालिकेची मुदत 14 जूनला संपत आहे. या निवडणुकांसाठी निवडणूक आयोगाने 5 जानेवारीला प्रसिद्ध केलेली विधानसभा मतदारसंघाची मतदारयादी वापरली जाणार आहे. एकूण 64 प्रभागांतील 252 जागांसाठी निवडणुका होत असून इच्छूक उमेदवारांना उमेदवारी अर्ज सादर करण्यासाठी संगणकीय प्रणालीची सुविधा उपलब्ध करून देण्यात येणार आहे. 29 एप्रिल ते 6 मेपर्यंत उमेदवारी अर्ज सादर करता येतील. रविवारी (ता.30) उमेदवारी अर्ज स्वीकारले जातील; मात्र 1 मे रोजी हे अर्ज स्वीकारले जाणार नाहीत. निवडणूक आयोगाचे सचिव शेखर चन्ने यावेळीउपस्थित होते.

 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com