हेलिपॅड तयार : पंकजा मुंडेंची होणार "ग्रॅंड एंट्री'! 

हेलिपॅड तयार : पंकजा मुंडेंची होणार "ग्रॅंड एंट्री'! 

नगर : ग्रामविकासमंत्री पंकजा मुंडे यांनी जाहीर केल्याप्रमाणे दसरा मेळावा शनिवारी सकाळी अकरा वाजता सुपे सावरगाव (ता. पाटोदा, जि. बीड) येथे होणार आहे. सावरगावमध्ये मेळाव्यासाठी वीस एकर जमिनीचे सपाटीकरण करण्यात आले आहेत. पंकजाताईंसाठी खास हेलिपॅड तयार करण्यात असून त्यांचे हेलिकॉप्टर दुपारी 12.30 वाजता सावरगावमध्ये उतरणार आहे. 

दरम्यान, पाथर्डीचे नगराध्यक्ष डॉ. मृत्यूंजय गर्जे यांच्यासह कार्यकर्त्यांनी सावरगावला भेट दिली. तेथील पाहणी करून मेळाव्याची जागा निश्‍चित करण्यात आली. सुमारे वीस एकरवर हे नियोजन करण्यात आले आहे. पार्किंग, पाणी व्यवस्था करण्यात आली आहे. मेळाव्यासाठी पाथर्डी व शेवगाव तालुक्‍यातून तसेच जिल्ह्यातील विविध तालुक्‍यांतून लोक येणार आहेत. पाथर्डी, शेवगाव तालुक्‍यातून एक लाखाच्यावर भाविक जातील, असा अंदाज व्यक्त होत आहे. 

भगवानगडावर मेळावा घेण्यासाठी परवानगी मिळाली नाही, तरी बाबांच्या जन्मगावी सुपे सावरगाव येथील मेळावा आम्ही यशस्वी करून दाखवू. तेथील परिसराची पाहणी करून नियोजन करण्यात आले आहे. नगर जिल्ह्यातून जास्तीत जास्त मुंडे समर्थक व भगवानबाबांचे भक्त तेथे जाणार आहेत, असे गर्जे यांनी सांगितले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com