दहशतवादाचा आरोप असणाऱ्या प्रज्ञासिंग ठाकूरचा मोदी प्रचार करणार का ? - असदुद्दीन ओवेसी

एमआयएम वंचित बहुजन आघाडीचे उमेदवार इम्तियाज जलील यांच्या प्रचारार्थ वैजापूरात ओवेसींची सभा घेण्यात आली. यावेळी ओवेसींनी शिवसेना व नरेंद्र मोदी यांच्यावर टीका करतांना ते राष्ट्रीय स्वयंसेवक संघाच्या हातचे बाहुले असल्याचा आरोपही केला.
दहशतवादाचा आरोप असणाऱ्या प्रज्ञासिंग ठाकूरचा मोदी प्रचार करणार का ? - असदुद्दीन ओवेसी

औरंगाबाद : भाजपच्या संकल्पपत्रात दहशतवादाला थारा देणार नाही असे म्हणणारे पंतप्रधान मोदी आता दहशतवादाचा आरोप असणाऱ्या प्रज्ञासिंग ठाकूर यांचा प्रचार करणार का ? असा सवाल करतांनाच महात्मा गांधीच्या काळात जर मोदी असते तर त्यांनी गांधीजींचा खून करणाऱ्या नथुराम गोडसेलाही निवडणुकीत उमेदवारी दिली असती असा घणाघात एमआयएमचे सर्वेसर्वा असदुद्दीन ओवेसी यांनी वैजापूर येथील जाहीर सभेत केला. 

एमआयएम वंचित बहुजन आघाडीचे उमेदवार इम्तियाज जलील यांच्या प्रचारार्थ वैजापूरात ओवेसींची सभा घेण्यात आली. यावेळी ओवेसींनी शिवसेना व नरेंद्र मोदी यांच्यावर टीका करतांना ते राष्ट्रीय स्वयंसेवक संघाच्या हातचे बाहुले असल्याचा आरोपही केला. मालेगांव बॉम्बस्फोट प्रकरणातील आरोप प्रज्ञासिंग ठाकूर यांना भाजपकडून भोपाळमध्ये उमेदवारी देण्यात आली आहे. हा संदर्भ देत ओवेसी म्हणाले, ज्यांच्यावर सहा जणांच्या हत्येसह दहशतवादाचा आरोप आहे, अशा प्रज्ञासिंग ठाकूर यांना भाजपकडून उमेदवारी दिली जाते. दहशतवादाला थारा देणार नाही असे सांगणारे नरेंद्र मोदी आता त्यांचा प्रचार करणार आहेत. इतक खोट बोलणारा पंतप्रधान मी कधी पाहिला नाही अशी टीका देखील ओवेसी यांनी केली. 

शिवसेना आम्हाला रझाकार म्हणते, पण रझाकार पाकिस्तानात निघून गेले आहेत, जे हिंदुस्थानी आहेत तेच आता हैदराबादमध्ये आहेत. उध्दव ठाकरे देखील याच देशात जन्माला आले, माझा जन्मही इथलाच आहे. पण आमच्या दोघांमध्ये एक फरक आहे, तो म्हणजे मी नुसता देशात जन्मलो नाही तर या देशाची पसंत देखील आहे. मला लाखो लोक मतदान करून निवडूण देतात. वीस वर्ष जिल्ह्यातील लोकांनी तुम्हाला विकास करण्याची संधी दिली, पण तुम्हाला तो करता आला नाही. सांगण्यासारखे काही नसल्यामुळे तुम्ही आता जातीपातीचे राजकारण करत आहात असा आरोप करतांनाच उध्दव ठाकरेंनी मी चौकीदार असे का लिहले नाही असा टोला देखील ओवेसी यांनी यावेळी लगावला. 

वैजापूर नगरपालिका निवडणुकीत साबेरखान यांच्या सुनेचा पराभव कसा झाला? त्यांना शिवसेनेनेच पराभूत केले असा आरोप करतांनाच साबेर खान तुम्ही आता इम्तियाज जलील यांना मत देऊन आपल्या पराभवाचा बदला घ्या असे आवाहनही ओवेसी यांनी सभेत केले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com