मुंबईः मराठा समाजाला ओबीसी कोट्यातून आरक्षण देण्यास ओबीसी एनटी पार्टी ऑफ इंडियाचे अध्यक्ष संजय कोकरे यांनी विरोध दर्शविला आहे. पत्रकार परिषदेत त्यांनी ही भूमिका मांडली.
मराठा समाजाचा समावेश ओबीसीमध्ये करणारा गोखले इन्स्टिट्यूटचा अहवाल फक्त विदर्भ आणि मराठवाडा भागातील दाखला देत तयार केला आहे. त्या आकडेवारीवरून संपूर्ण महाराष्ट्राचा निर्णय घेणे योग्य ठरणार नाही. मराठा समाजातील कष्टकरी, माथाडी कामगार, ऊसतोड कामगार आदींचा अभ्यास केल्याचे आढळते; पण बागायतदार, संचालक, राजकारणी, व्यावसायिक, व्यापारी, नोकरदार यांचा उल्लेख कुठेच आढळत नाही.
आम्हाला दिलेली आकडेवारी आणि सरकारच्या आकडेवारीत खूप तफावत आहे. अशा अनेक त्रुटी या अहवालात आढळत असल्याने तो योग्य वाटत नसल्याचा दावा कोकरे यांनी केला. याआधीही राज्य मागासवर्ग आयोगाने खत्री आयोग, सराफ आयोग, बापट आयोग असे तीन अहवाल दिले; पण त्यांच्या निर्णयाचा उल्लेखही सरकारी शपथपत्रात नाही. याउलट आयोगाच्या अहवालातील माहिती चुकीच्या पद्धतीने मांडली असल्याचे कोकरे यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.