औरंगाबाद औद्योगिक तोडफोडीत बिगरमराठा व बडतर्फ कामगार: दानवे 

मराठा आरक्षणाच्या मागणीसाठी झालेल्या आंदोलनात औरंगाबादच्या कारखान्यांची जाळपोळ व तोडफोडीला अनेक कंगोरे पुढे येत आहे.
Raosaheb Danave
Raosaheb Danave

नाशिक :''  मराठा आरक्षणाच्या मागणीसाठी झालेल्या आंदोलनात औरंगाबादच्या कारखान्यांची जाळपोळ व तोडफोडीला अनेक कंगोरे पुढे येत आहे. आतापर्यंत अटक केलेल्या पस्तीस संशयीतांत सोळा संशयित  बिगर मराठा असल्याचे स्पष्ट झाले आहे. यामध्ये काही बडतर्फ कामगार आहेत. त्यामुळे याचा सखोल तपास व्हावा अशा सुचना दिल्या आहेत," असे  भारतीय जनता पक्षाचे प्रदेश अध्यक्ष रावसाहेब दानवे यांनी सांगितले. 

आगामी निवडणुकीच्या तयारीसाठी भाजपच्या पदाधिकाऱ्यांची बैठक आज श्री. दानवे यांच्या उपस्थितीत झाली. यावेळी ते म्हणाले, "मराठा आरक्षण आंदोलनात औरंगाबादच्या औद्योगिक वसाहतींत ऐंशी कंपन्यांची तोडफोड व जाळपोळ झाली. त्यासंदर्भात सीसीटीव्हीच्या चित्रणाची तपासणी पोलिस करीत आहेत. "

"त्यातुन आतापर्यंत पस्तीस जणांना अटक झाली. यामध्ये सोळा जणांचा मराठा आंदोलनाशी काहीही संबंध नाही. ते बिगर मराठा आहेत. तोंडाला फडके बांधून, दंडुके घेऊन दहशत पसरवण्याचे काम करीत होते. त्यात अनेक अँगल पुढे येत आहेत. कंपन्यांनी बडतर्फ केलेले कर्मचारीही आढळले. विविध अँगल त्यात पुढे येत आहेत. सरकारने हे प्रकरण गांभीर्याने घेतले आहे. त्याची पाळेमूळे खोदून काढण्याच्या सूचना दिल्या आहेत ,"असे त्यांनी सांगितले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com