उद्धव ठाकरेंच्या `धरणावरील` विधानाचा राष्ट्रवादीकडून धरणावर जाऊन निषेध

उद्धव ठाकरेंच्या `धरणावरील` विधानाचा राष्ट्रवादीकडून धरणावर जाऊन निषेध

आंबेठाण : राष्ट्रवादीवाल्यांना धरणाजवळ फिरकू देऊ नका, असे आवाहन शिवसेनेचे कार्याध्यक्ष उद्धव ठाकरे यांनी काल राजगुरूनगर येथील सभेत केले होते. त्याला प्रत्युत्तर म्हणून खेड तालुका राष्ट्रवादीच्या कार्यकर्त्यांनी भामा आसखेड धरणावर जाऊन उद्धव ठाकरे यांच्या वक्तव्याचा निषेध केला. धरणे बांधण्यात शिवसेनेचे योगदान काय असा सवाल यावेळी जिल्हा उपाध्यक्ष राहुल नायकवाडी यांनी केला.

याप्रसंगी राष्ट्रवादीचे जिल्हा उपाध्यक्ष राहुल नायकवाडी, युवकचे तालुकाध्यक्ष कैलास लिंभोरे, राष्ट्रवादीचे प्रवक्ते व्यंकटेश सोरटे, चाकण शहराध्यक्ष राम गोरे,सयाजी गांडेकर, गुलाब शिवेकर,किरण कौटकर,किरण पठारे,अल्पसंख्याक शहराध्यक्ष मुबिन काझी,सागर धाडगे,विनायक नायकवाडी,युवती अध्यक्षा शिवानी मेदनकर,स्वप्निल देशमुख,बाळासाहेब करंडे,दिपक पडवळ आदी कार्यकर्ते उपस्थित होते.

यावेळी राष्ट्रवादीचे प्रवक्ते व्यंकटेश सोरटे म्हणाले काल उद्धव ठाकरे यांनी जे आव्हान केले त्या आव्हानाला प्रतिउत्तर व निषेध करण्यासाठी आम्ही आज भामा आसखेड धरणावर येऊन त्यांचा निषेध व्यक्त करित आहोत. ही धरणं कुणाची जहागिरदारी नाही. ही धरणांची उभारणी पवारसाहेबांनी केली आहे. उद्धव ठाकरे यांनी त्यांची सत्ता असताना किती धरणं बांधली ,हे एकदा सांगावे.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com