'मनसे'चे नगरसेवक श्रीमंत; पैशाने कसे फुटतील?

''मनसेचे सहाही नगरसेवक जबरदस्त पैसेवाले आहेत. त्यांना कोण पैसे देणार? ते पैसे घेऊन अजिबात फुटणारे नाहीत. राज ठाकरे यांनाच आपल्या नगरसेवकांना सांभाळता आले नाही. त्यामुळे त्यांचे हे नगरसेवक शिवसेनेत गेले ते योग्यच झाले.'' असे प्रतिपादन केंद्रीय समाजकल्याण राज्यमंत्री रामदास आठवले यांनी "सरकारनामा'शी बोलताना केले.
'मनसे'चे नगरसेवक श्रीमंत; पैशाने कसे फुटतील?

नाशिक : ''मनसेचे सहाही नगरसेवक जबरदस्त पैसेवाले आहेत. त्यांना कोण पैसे देणार? ते पैसे घेऊन अजिबात फुटणारे नाहीत. राज ठाकरे यांनाच आपल्या नगरसेवकांना सांभाळता आले नाही. त्यामुळे त्यांचे हे नगरसेवक शिवसेनेत गेले ते योग्यच झाले.'' असे प्रतिपादन केंद्रीय समाजकल्याण राज्यमंत्री रामदास आठवले यांनी "सरकारनामा'शी बोलताना केले.  

आठवले म्हणाले, ''मनसेचे नगरसेवक गेले अनेक दिवस अस्वस्थ होते. त्यांची विकासकामे होत नव्हती. कोणत्या तरी राजकीय पक्षात जाण्याचा विचार त्यांच्या मनात घोळत होता. त्यांना पक्षात प्रवेश देऊन यासंदर्भात शिवसेनेने योग्यवेळी चांगला निर्णय घेतला आहे. त्यासाठी शिवसेनेला दोष देता येणार नाही. राज ठाकरे यांनाच आपल्या नगरसेवकांना सांभाळता आलेले नाही. त्यांनी आपल्या नगरसेवकांना विश्‍वासात घ्यायला पाहिजे होते.''

ते पुढे म्हणाले, ''पक्षांतर बंदी कायद्यातील तरतुदींनुसार दोन तृतीयांश सदस्य एकत्र येऊन पक्षातून बाहेर पडून स्वतंत्र गट करु शकतात. हा आपल्या देशात नियम असून त्यानुसार अनेक नेते पक्षांतर करीत असतात. तसेच सात पैकी सहा नगरसेवकांनी पक्षांतर केले तर त्यात चुकीचे काहीच नाही. सगळेच पक्ष अशा लोकांना घेतात. भाजपनेही अनेकांना आपल्या पक्षात घेतले आहे. माजी मुख्यमंत्री नारायण राणे आता सत्ताधारी भाजपचा घटक पक्ष झाले आहेत. भाजपने त्यांचा स्विकार केलाच ना? मग शिवसेनेच्या उध्दव ठाकरेंना कसा दोष देता येईल?''

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com