नाशिकच्या पाच नगरसेवकांवर अपात्रतेची टांगती तलवार

मी 'ओरिजनल' ओबीसी आहे. माझे जात पडताळणी प्रमाणपत्र मंजूर झाले आहे. अन्य नगरसेवकांच्या अडचणी समाज कल्याण विभागाने समजुन घ्याव्यात. हा प्रश्न सोडवावा - सत्यभामा गाडेकर, नगरसेविका, शिवसेना.
नाशिकच्या पाच नगरसेवकांवर अपात्रतेची टांगती तलवार

नाशिक : जात प्रमाणपत्र पडताळणी समितीच्या दोन सदस्यांची बदली झाल्याने नगरसेवकांचे जात प्रमाणपत्र लटकले आहे. त्यामुळे येत्या दोन आठवड्यात प्रमाणपत्र न मिळाल्यास त्यांचे नगरसेवक पद रद्द होऊ शकते. यात दोन नगरसेविका सत्ताधारी भाजपच्या असल्याने पक्षाची प्रतिष्ठा पणाला लागली आहे.    

महापालिकेच्या निवडणुकीत राखीव जागांवर निवडणूक लढवून विजयी झालेल्या; परंतु जातवैधता प्रमाणपत्र सादर न करणाऱ्या पाच नगरसेवकांवर अपात्रतेची टांगती तलवार आहे. राखीव जागांवर निवडून आलेल्या नगरसेवकांना सहा महिन्यांत जातवैधता प्रमाणपत्र सादर करणे बंधनकारक आहे, ही मुदत संपण्यासाठी 16 दिवस शिल्लक आहेत. 23 ऑगस्टला प्रमाणपत्र सादर न केल्यास त्यांच्यावर अपात्रतेची कारवाई होण्याची शक्‍यता आहे.

फेब्रुवारी 2017 मध्ये महापालिका निवडणूक झाली. यात 861 उमेदवार रिंगणात होते. पाच नगरसेवकांमध्ये प्रभाग दोन 'क'मधून इतर मागास वर्ग गटातून विजयी झालेले भाजपचे नगरसेवक उद्धव निमसे, 23 'ब' मधील इतर मागास वर्ग गटातून महिला आरक्षित जागेवरून विजयी झालेल्या भाजपच्या नगरसेविका शाहिन मिर्झा, 22 'ब' मधून विजयी झालेल्या शिवसेनेच्या नगरसेविका सत्यभामा गाडेकर ऊर्फ साधना मोहन रौंदळ, प्रभाग 14 'ब' मधील इतर मागास महिला जागेवर निवडून आलेल्या कॉंग्रेसच्या मेमन समीना शोएब व प्रभाग 11 'ब' मधून अनुसूचित जमाती गटातून निवडून आलेले 'मनसे'चे योगेश किरण शेवरे यांनी अद्याप जातवैधता प्रमाणपत्र सादर केलेले नाही. येत्या दोन आठवड्यात प्रमाणपत्र सादर न केल्यास या सर्वांचे नगरसेवकपद अडचणीत येऊ शकते.

 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com