प्रत्येक नागरिक नातेवाईक अन्‌ प्रत्येक गुंड माझा वैयक्तिक दुश्‍मन : विश्‍वास नांगरे पाटील

महिलांच्या सुरक्षीततेला मी पहिले प्राधान्य देईन. त्यासाठी महिन्याच्या शेवटच्या शनिवारी तक्रार निवारण उपक्रम होईल. शहरातील प्रत्येक नागरिक आमचा नातेवाईक आणि घरातील सदस्य राहील. मात्र जो गुंड असेल तो माझा वैयक्तिक दुश्‍मन असेल त्यांच्यावर त्याच पध्दतीने कारवाई होईल. शहरातील पोलिसांची कार्यपध्दती सुधारण्यासाठी पोलिस अधिकारी आणि कर्मचाऱ्यांची 2300 गुणांची परीक्षा घेतली जाईल.
 प्रत्येक नागरिक नातेवाईक अन्‌ प्रत्येक गुंड माझा वैयक्तिक दुश्‍मन : विश्‍वास नांगरे पाटील

नाशिक : पोलिस दलात एकवीस वर्षे सेवा केली आहे, त्या अनुभवाच्या आधारे काम करीन आयुक्त म्हणून प्रथमच काम करीत आहे, शहरातील गुंडांची कुंडली तयार करुन कारवाई होईल. दर बुधवारी गुन्हेगारांची "शाळा' घेईन. शहरातील प्रत्येक नागरिक माझा नातेवाईक असेल प्रत्येक गुंड माझा वैयक्तिक दुश्‍मन असेल अशा शब्दात आपल्या कामाची दिशा नवे पोलिस आयुक्त विश्‍वास नांगरे पाटील यांनी आज स्पष्ट केली. शहराचे पोलिस आयुक्त म्हणून त्यांनी आज पदभार स्वीकारला त्यानंतर ते बोलत होते. 

आपल्या कामगिरीमुळे राज्यात चर्चेत असलेले, युवकांचे रोलमॉडेल विश्‍वास नांगरे- पाटील यांनी आज नाशिकच्या पोलिस आयुक्त पदाचा कार्यभार स्विकारला. नाशिकचे आयुक्त रवींद्र सिंघल यांनी त्यांचे स्वागत केले. यावेळी सिंघल यांना समारंभपूर्वक, पोलिसांच्या परंपरेनुसार शहरातील अधिकाऱ्यांनी त्यांच्या वाहनाचा दोर ओढुन निरोप दिला. यावेळी विश्‍वास नांगरे पाटील म्हणाले, नाशिक विषयी मला कुतुहल होते आणि आहे. प्रशिक्षणासाठी येथे आलो होतो, तेव्हाच नाशिकच्या प्रेमात पडलो होतो. मी कवीश्रेष्ठ कुसुमाग्रजांचा फॉलोअर आहे. मला त्यांच्या कविताही पाठ आहेत. नाशिकला काम करण्यात मजा येईल. हे शहर स्वच्छ आणि सुंदर दिसले. अन्य ठिकाणांप्रमाणे जास्त बजबजपुरी आढळली नाही. शहरात पोलिस ठाण्यांच्या प्रलंबीत इमारती आणि मुख्यालय उभारण्यासाठी प्रयत्न करीन. पंतप्रधानांनी सांगितलेले स्मार्ट पोलिसिंग निर्माण करण्यावर माझा भर असेल. 

ते पुढे म्हणाले, महिलांच्या सुरक्षीततेला मी पहिले प्राधान्य देईन. त्यासाठी महिन्याच्या शेवटच्या शनिवारी तक्रार निवारण उपक्रम होईल. शहरातील प्रत्येक नागरिक आमचा नातेवाईक आणि घरातील सदस्य राहील. मात्र जो गुंड असेल तो माझा वैयक्तिक दुश्‍मन असेल त्यांच्यावर त्याच पध्दतीने कारवाई होईल. शहरातील पोलिसांची कार्यपध्दती सुधारण्यासाठी पोलिस अधिकारी आणि कर्मचाऱ्यांची 2300 गुणांची परीक्षा घेतली जाईल. सायबर क्राईम, सोशल मिडीया याविषयी जनजागृती करण्यात येईल. निवडणुक पारदर्शी होण्यासाठी प्रयत्न केले जातील. गुन्हेगारीमध्ये राजकीय हस्तक्षेप चांगला असेल तर स्वागत अन्यथा संबंधीत माझ्या "रडार'वर असतील. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com