नांदेड : गुरुव्दारा सचखंड श्री हजूर अबचलनगर साहिब मंडळाच्या तीन सदस्यांच्या निवडणुकीत रवींद्र सिंग बुंगई (मते 4478) मनप्रितसिंग कुंजीवाले (4246) आणि गुरमितसिंग लड्डूसिंग महाजन (3374) हे तीन उमेदवार विजयी झाले आहेत. मंडळाच्या सदस्यपदासाठी शुक्रवारी मतदान झाले. शनिवारी त्या त्या तालुक्‍याच्या ठिकाणी मतमोजणी झाली. सोमवारी निवडणूक निर्णय अधिकारी तथा जिल्हाधिकारी अरुण डोंगरे यांनी निकाल जाहीर केला.
तीन सदस्यासाठी संपूर्ण मराठवाड्यात 68 आणि चंद्रपूर जिल्ह्यातील तीन अशा 71 मतदान केंद्रावर मतदान झाले होते. या निवडणुकीत 12 हजार 714 मतदार होते. या तीन जागांसाठी 26 उमेदवार रिंगणात होते. त्यापैकी सर्वात जास्त 22 उमेदवार नांदेड शहरातील तर चार उमेदवार हे औरंगाबाद येथील होते. मराठवाड्यात आणि चंद्रपूर जिल्ह्यात तीन अशी 71 मतदान केंद्र होती. मतमोजणी शनिवारी झाली आणि सोमवारी नांदेड जिल्हाधिकारी कार्यालयातील बचत भवन येथे निकाल जाहीर करण्यात आला. निवडणुक प्राधिकृत अधिकारी उपजिल्हाधिकारी अनुराधा ढालकरी. मुख्य कार्यकारी अधिकारी अशोक काकडे. तहसीलदार अरविंद नरसीकर आदी उपस्थित होते. यावेळी तिन्ही विजयी उमेदवारांचे स्वागत करण्यात आले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.