मुख्यमंत्र्यांचे शहर स्वच्छतेत नापास 

मुख्यमंत्री देवेंद्र फडणवीस यांचे गाव असलेले व विकासाचे अनेक प्रकल्प सुरू असलेल्या नागपूर शहराचा स्वच्छतेत क्रमांक 20 वरून 137 वर घसरगुंडी झाली आहे. यामुळे महापालिका प्रशासनाच्या कामावर प्रश्‍नचिन्ह उभे राहिले आहे.
मुख्यमंत्र्यांचे शहर स्वच्छतेत नापास 

नागपूर : मुख्यमंत्री देवेंद्र फडणवीस यांचे गाव असलेले व विकासाचे अनेक प्रकल्प सुरू असलेल्या नागपूर शहराचा स्वच्छतेत क्रमांक 20 वरून 137 वर घसरगुंडी झाली आहे. यामुळे महापालिका प्रशासनाच्या कामावर प्रश्‍नचिन्ह उभे राहिले आहे. 

गेल्या वर्षी झालेल्या स्वच्छता सर्वेक्षणात देशात नागपूरचा क्रमांक 20 वा होता. त्यावेळी नागपूर महापालिकेने मोठ्या प्रमाणावर डंका पिटला होता. मुख्यमंत्री देवेंद्र फडणवीस व केंद्रीय मंत्री नितीन गडकरींचे यश म्हणून मोठमोठ्या जाहिराती झळकल्या होत्या. गेल्या 17 जानेवारीला केंद्रीय नगरविकास मंत्रालयाच्या 43 सदस्यीय पथकाने नागपूरची पाहणी केली. केंद्रीय नगरविकास मंत्री एम. वेंकय्या नायडू यांनी जाहीर केलेल्या यादीत नागपूरची स्वच्छता देशात 137 क्रमांकावर जाऊन थांबली आहे. केवळ एका वर्षात नागपूर 117 क्रमांकाने खाली गेला आहे. 

विकासकामांच्या भूमिपूजनांचा सपाटा गेल्या एक वर्षात लावला होता. याचवेळी नागपूर शहर प्रशासनाने शहराच्या स्वच्छतेकडे पार दुर्लक्ष केल्याचे स्पष्ट झाले आहे. शहरात रस्तोरस्ती कचऱ्यांचे ढिगारे दिसून येते. तसेच नागपूर शहरातील डंपिंग यार्डचा प्रश्‍नही सुटलेला नाही. भांडेवाडी परिसरात नागपुरातील कचरा साठविला जातो. या परिसरातील प्रदूषण वाढले आहे तसेच नियमितपणे या डम्पिंग यार्डमध्ये आग लागण्याच्या घटना होत असतात. याकडे महापालिकेने पार दुर्लक्ष केल्याने शहरातील स्वच्छता धोक्‍यात आली आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com