नागपूर : नागपुरातील मुख्यमंत्र्यांचे सरकारी निवासस्थान असलेल्या "रामगिरी'जवळील जंगलाला वणवा लागल्याने खळबळ उडाली होती. अग्निशमन दलाच्या जवानांनी केवळ तीन तासांमध्ये वणवा विझविण्यात यश मिळविले.
नागपुरातील पश्‍चिम भागात सेमिनरी हिल्स परिसरात "रामगिरी' आहे. या परिसरात उच्च न्यायालयाची इमारत, न्यायमूर्तींची निवासस्थाने व केंद्र सरकारची कार्यालये आहेत. "रामगिरी'च्या उत्तरेला वनविभागाची शेकडो एकर जमीन आहे. यावर झाडे-झुडपे आहेत. गुरुवारी सायंकाळी साडेपाचच्या सुमारास जंगलात वणवा लागला. उन्हाळ्यामुळे आगीने रौद्र रूप धारण केले. अग्निशमन दलाच्या माहिती दिल्यानंतर जवळपास 5 बंबांनी ही आग आटोक्‍यात आली. महापालिकेच्या अग्निशमन दलाच्या जवानांनी जवळपास तीन तास प्रयत्न करून ही आग नियंत्रणात आणली.
जंगलातील हा वणवा होता की, कुणी कचऱ्याला आग लावली होती. याबाबत प्रशासनाने काहीही सांगितले नाही. उन्हाळ्यात असे प्रकार घडत असतात, असे अग्निशमन दलाच्या विभागाने सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.