मा. गो. वैद्य म्हणतात, भागवतांचे भाषण ऐकले नाही! 

राष्ट्रीय स्वयंसेवक संघाचे सरसंघचालक डॉ. मोहन भागवत यांचे भाषण आपण ऐकलेच नाही, अशी सावध प्रतिक्रिया रा. स्व. संघाचे माजी बौद्धिक प्रमुख व ज्येष्ठ विचारवंत मा. गो. वैद्य यांनी व्यक्त केली.
मा. गो. वैद्य म्हणतात, भागवतांचे भाषण ऐकले नाही! 

नागपूर : राष्ट्रीय स्वयंसेवक संघाचे सरसंघचालक डॉ. मोहन भागवत यांचे भाषण आपण ऐकलेच नाही, अशी सावध प्रतिक्रिया रा. स्व. संघाचे माजी बौद्धिक प्रमुख व ज्येष्ठ विचारवंत मा. गो. वैद्य यांनी व्यक्त केली.
 
रा. स्व. संघाने दिल्लीत आयोजित केलेल्या "भविष्यातील भारत- राष्ट्रीय स्वयंसेवक संघाचा दृष्टीकोण' या कार्यक्रमात सरसंघचालक डॉ. मोहन भागवत यांचे भाषण झाले. या भाषणात त्यांनी स्वातंत्र्य चळवळीतील कॉंग्रेसच्या योगदान मान्य केले. तसेच कॉंग्रेसने देशाला अनेक महापुरुष दिले, याचा आदरयुक्त उल्लेखही केला. डॉ. भागवत यांच्या या वक्तव्यांना प्रसिद्धी माध्यमांमध्ये बरीच जागा मिळाली आहे.
 
या संदर्भात संघ परिवारात काय प्रतिक्रिया जाणून घेण्यासाठी `सरकारनामा'ने ज्येष्ठ विचारवंत मा. गो. वैद्य यांच्याशी संपर्क साधला. डॉ. मोहन भागवत यांच्या भाषणावर आपली काय प्रतिक्रिया आहे, असे विचारले असताना मा. गो. वैद्य म्हणाले, "भागवतांचे भाषण मी ऐकले नाही. त्यांचे भाषण मी उद्या ऐकेन व त्यानंतर त्यावर मी तुम्हाला प्रतिक्रिया देईन.'' 

डॉ. भागवतांचे हे भाषण जवळपास सर्व चॅनेल्सवर लाईव्ह दाखविले जात होते. तसेच रा. स्व. संघाच्या संकेतस्थळावरही काही तासामध्येच डॉ. भागवतांचे भाषण हिंदीमध्ये उपलब्ध झाले होते, हे विशेष.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com