नगर : महानगर पालिकेच्या उपमहापौरपदी आज शिवसेनेचे अनिल बोरुडे यांची बिनविरोध निवड झाली. भारतीय जनता पक्ष या निवडणुकीपासून अलिप्त होता. राष्ट्रवादी कॉंग्रेसनेही आज सकाळी माघार घेतल्याचे जाहीर केल्याने बोरुडे यांच्या बिनविरोध निवडीचा मार्ग मोकळा झाला होता.
श्री छत्रपती शिवाजी महाराज यांच्याबद्दल अपशब्द वापरल्याने श्रीपाद छिंदम याने उपमहापौरपदाचा राजीनामा दिला होता. त्यानंतर त्याची तुरुंगात रवानगी झाली. भाजपनेही त्याची हकालपट्टी केली होती. त्यामुळे उपमहापौर पद रिक्त झाले होते. त्यासाठी आज ही निवडप्रक्रिया झाली.
जिल्हाधिकारी अभय महाजन महापालिका सभागृहात दाखल झाल्यानंतर उपमहापौरपदाची निवड प्रक्रिया सुरू झाली. या निवडणुकीतून इतर सर्व इच्छुक उमेदवारांनी माघार घेतल्याने बोरुडे यांची निवड बिनविरोध होण्याचा मार्ग मोकळा झाला होता.
निवडणुकीत 37 नगरसेवकांनी सहभाग घेतला. कॉंग्रेसचे मुदस्सर शेख, दीप चव्हाण, जयश्री सोनवणे यांच्यासह राष्ट्रवादीचा बंडखोर गटही मतदान प्रक्रियेत सहभागी झाला होता.
"मनसे'च्या वीणा बोज्जा, शिवसेनेच्या दीपाली बारस्कर, "राष्ट्रवादी'चे अरिफ शेख, विपुल शेटीया, कॉंग्रेसचे मुदस्सर शेख आदींनी माघार घेतली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.