शिवाजी महाराजांबद्दल अपशब्द बोलणाऱ्या उपमहापौराच्या घरावर हल्ला 

शिवाजी महाराजांबद्दल अपशब्द बोलणाऱ्या उपमहापौराच्या घरावर हल्ला 

नगर : छत्रपती शिवाजी महाराजांबाबत भारतीय जनता पक्षाचे उपमहापौर श्रीपाद छिंदम यांनी अपशब्द वापरलेली क्‍लिप व्हायरल झाल्याने आज दुपारी शिवसेनेच्या कार्यकर्त्यांनी छिंदम यांच्या कार्यालयाची मोडतोड केली. जवळच असलेल्या घरावरही कार्यकर्ते चालून जावून दारावरील फलक फोडला. तसेच त्यांच्या बुलेटची मोडतोड केली. 

एका कामाबाबत छिंदम यांनी मोबाईलवरून महापालिकेच्या एका कर्मचाऱ्याला सुनावले. त्यावर त्याने शिवजयंतीमुळे उशिर होत असल्याने हे काम वेळेत होत नसल्याचे सांगताच छिंदम यांनी छत्रपती शिवाजी महाराजांबाबत अपशब्द वापरले. हे रेकॉर्डिंग आज सकाळी सोशल मिडियावर व्हायरल झाले. त्यामुळे शिवसेनेचे कार्यकर्ते संतापले. त्यांनी आज दुपारी छिंदम यांच्या दिल्लीगेट जवळील कार्यालयाची मोडतोड केली. जवळच असलेल्या छिंदम यांच्या घरावर हे कार्यकर्ते चालून गेले. तेथे दारावर विटा फेकून त्यांच्या बुलेटचीही मोडतोड केली. या राड्याची माहिती पोलिसांना कळताच पोलिस कुमक मागविण्यात आली. शिवसेनेचे माजी आमदार अनिल राठोड यांनी तातडीने घटनास्थळी येऊन जमावाला शांततेचे आवाहन केले. राठोड यांच्या नेतृत्त्वाखाली कार्यकर्त्यांनी जोरदार घोषणाबाजी करून भाजपच्या नेत्यांचा निषेध केला. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com