नाशिक : महापालिकेच्या महासभेत आज विरोधकांनी डेंग्यूच्या प्रश्नावर सत्ताधारी भाजपला चांगलेच कोंडीत पकडले. या वादाने त्रस्त महापौर रंजना भानसी यांनी हिंमत करून आयुक्त तुकाराम मुंडे यांना फैलावर घेण्याचा प्रयत्न केला. "आयुक्त साहेब नगरसेवकांना विश्वासात घ्या, अन्यथा थेट बडतर्फ करीन" असे सुनावले.
आजची महासभा चांगलीच गजाली. शिवसेना, दोन्ही काॅग्रेसने विरोधी पक्षांनी शहरातील महापालिका रूग्णालयांतील अव्यवस्था व डेंग्यूच्या आजाराने झालेल्या मृत्यूबाबत प्रशांत न व सत्ताधारी भाजपची चांगलीच कोंडी केली. शिवसेनेने निषेधाच्या घोषणा देत 'शहर डेंग्यूने त्रस्त, सत्ताधारी मात्र मस्त' अशा घोषणा रंगवल्या होत्या.
त्यामुळे महापौर भानसी यांनी आयुक्त पदाचा कार्यभार स्वीकारल्यापासून माझा माईक अन माझंच ऐक या भूमिकेत तुकाराम मुंडे आहेत. असे चालणार नाही. मुंडे यांना आज संतप्त झालेल्या महापौर रंजना भानसी यांनी अक्षरशः फैलावर घेतले. हुकूमशाही पद्धतीने काम चालू देणार नाही असे खडसावत लोकप्रतिनिधींना सोबत घेऊन काम न केल्यास सत्ताधारी पक्षाची असले तरी महापालिकेचे कामकाज चालू देणार नाही. अधिकाऱ्यांनी नगरसेवकांना दाद न दिल्यास थेट निलंबनाचा ईशारा दिला.
त्यामुळे महापौर भानसी यांचा आजचा 'रोल' चर्चेत राहिला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.