बाहुबलीचा पार्ट टू दाखवायला तयार : मुख्यमंत्री 

बाहुबलीचा पार्ट टू दाखवायला तयार : मुख्यमंत्री 

मुंबई : माझ्याकडे चिट्टी आली आहे, की कट्टाप्पाने बाहुबली को क्‍यू मारा, याचे उत्तर मिळाले नाही. तुम्ही म्हणाला तर मी बाहुबली पार्ट टू दाखवायला तयार असल्याचा खोचक टोला मुख्यमंत्री देवेंद्र फडणवीस यांनी विरोधकांना लगावला. आज विधानसभेत एकमताने महाराष्ट्र वस्तू व सेवा कर अधिनियम (जीएसटी) मंजूर करण्यात आला. त्यावेळी अभिनंदन करतेवेळी मुख्यमंत्री विधानसभेत बोलत होते. 

मुख्यमंत्री फडणवीस म्हणाले, देशातल्या इतर राज्यांच्या तुलनेत आपण तीन दिवस संपूर्ण चर्चा करून एकमताने विधानसभेत महाराष्ट्र वस्तू व सेवा कर अधिनियम ( जीएसटी )विधेयक मंजूर केले आहे. त्यामुळे राज्याच्या इतिहासातील आज ऐतिहासिक दिवस आहे. त्यामुळे मी सर्वांचे अभिनंदन करतो. आपण सगळे या इतिहासाचे साक्षीदार आहात." मुख्यमंत्र्यांनी विरोधी पक्षनेते, सर्व पक्षाचे गटनेते विधानसभेच्या सर्व सदस्यांचे मुख्यमंत्र्यांनी आभार मानले. 

दरम्यान, जीएसटी बिलाच्या चर्चेवेळी विधानसभेत बाहुबली या चित्रपटावरून विरोधी व सत्ताधारी बाकावरून एकमेकांना बरेच टोले लगावले गेले. यामुळे खेळीमेळीच्या वातावरणामध्ये साधकबाधक चर्चा करत जीएसटी बील मंजूर करण्यात आले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com