माझ्या पतीला फॅनफॉलविंग आहे, हे आज मला कळालं : प्रीतम मुंडे 

जानकरसाहेब, आता माझ्या पतीलाही रासपमध्ये घ्या!
माझ्या पतीला फॅनफॉलविंग आहे, हे आज मला कळालं : प्रीतम मुंडे 

पुणे: दिवंगत नेते गोपीनाथ मुंडे हयात असल्यापासून दसरा मेळाव्याला पंकजा मुंडे यांचे पती अमित पालवे उपस्थित राहतात, मात्र यंदा प्रथमच बीडच्या खासदार प्रीतम मुंडे यांचे पती डॉ. गौरव खाडे उपस्थित राहिले आहेत. 

गोपीनाथ मुंडे यांच्या उपस्थितीत पाथर्डी तालुक्‍यातील भगवानगडावर दसरा मेळावा होत असे, पुढे मुंडे यांच्या निधनानंतर दोन वर्षे पंकजा मुंडे यांच्या उपस्थितीत मेळावा झाला. या मेळाव्याला संस्थानने विरोध केल्याने तो एकवर्षी गडाच्या पायथ्याला घेण्यात आला. गेल्यावर्षीपासून संत भगवानबाबांचे जन्मगाव सावरगाव, ता. पाटोदा, जि. बीड येथे दसरा मेळावा होत आहे. 

यंदाच्या मेळाव्याला नुकतीच सावरगावात सुरवात झाली आहे. सुरवातीला प्रीतम मुंडे यांचे भाषण झाले. गोपीनाथगड ते सावरगावघाट या मार्गावर त्यांनी काढलेल्या रॅलीला तुफान प्रतीसाद मिळाल्याचे त्यांनी सांगितले. उपस्थितांचे नावे घेत असताना त्यांनी आई प्रीतम मुंडे, तसेच सासूबाई, पती डॉ. गौरव खाडे पहिल्यांदाच मेळाव्याला उपस्थित असल्याचे त्यांनी सांगितले. गौरव खाडे यांचे नाव उच्चारताच उपस्थितांतून टाळ्यांचा कडकडाट झाला. त्यावर बोलताना प्रीतम म्हणाल्या, छोट्या भाऊजींना फॅनफॉलविंग आहे, हे आज मला कळालं. जानकरसाहेब, आता माझ्या पतीलाही रासपमध्ये घ्या! 

या वाक्‍यावर पुन्हा टाळ्या पडल्या. डॉ. गौरव खाडे यांनी जनतेला अभिवादन करावे, अशी मागणी करण्यात आली. त्यानुसार ते पुढे आले. मंत्री जानकर यांनी डॉ. खाडे यांना उचलून घेतले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com