सासूबाई जोरात ! सरपंचपदाच्या निवडणुकीत सुनबाईंना केले पराभूत !

यामध्ये मुलगा व वडील दोघांपुढेही कोणाचा प्रचार करावा? हा प्रश्‍नच होता. त्यामुळे ते फारसे सक्रीय नव्हते.
sarpanch.
sarpanch.

नाशिक :  सासु- सुनेचे भांडण घरोघरी असते . एकाच राजकीय पक्षातील नेत्यांची गटबाजीही सर्वत्र दिसते . पण राजकारणात सासू सुनेचे भांडण क्वचितच दिसते .  ही लढाई  मोडाळे (ता. इगतपुरी) येथे झाली .  सरपंचपदाच्या निवडणुकीत   सासुबाईंनी  सूनबाईना पराभूत करून घरात आणि गावात सासुचाच आवाज चालणार हे दाखवून दिले . 

त्याचे झाले असे की सुनबाई   कल्पना बोंबले   या राजकारणात होत्या . त्यांनी सरपंच पदाच्या उमेदवारीसाठी भाजपला रामराम करुन राष्ट्रवादीत प्रवेश केला. मात्र   राष्ट्रवादी काँग्रेसतर्फे उमेदवारी सासूबाईंना  मिळाली. त्यावर शांत न बसता सुनेने सासुविरुध्दच अपक्ष निवडणुक लढवली. पंचक्रोशीतील गावांचे लक्ष लागलेल्या या प्रतिष्ठेच्या लढतीत अखेर  राष्ट्रवादीच्या उमेदवार  असलेल्या सासूबाई  मंगला राधाकिसन बोंबले यांनी सुनेचा पराभव केला.

 यात एक- एक मत मिळवणे नेत्यांनी प्रतिष्ठेचे केले होते. त्यामुळे या निवडणुकीची चांगलीच चर्चा झाली.  तालुक्‍याचे लक्ष लागलेल्या या निवडणुकीत आदिवासींसाठी राखीव सरपंच पदासाठी एकाच कुटुंबतील सासू मंगला बोंबले आणि सुन कल्पना बोंबले यांच्यात लढत झाली. त्यात दोघींनीही चुरशीने निवडणुक लढवली. यामध्ये मुलगा व वडील दोघांपुढेही कोणाचा प्रचार करावा? हा प्रश्‍नच होता. त्यामुळे ते फारसे सक्रीय नव्हते. 

मात्र राष्ट्रवादी कॉंग्रेसचे जिल्हा परिषद सदस्य गोरख बोडके यांच्यासाठी ही निवडणुक प्रतिष्ठेची होती. त्यांनी एक- एक मतासाठी जीवाचे रान  केले. बोडके यांचे गावातील  विरोधक सुनेला बळ देत होते. या लढतीत थेट सरपंचपदी राष्ट्रवादी कॉंग्रेसच्या मंगला बोंबले विजयी झाल्या. अन्य नऊ सदस्यांत सीताबाई बाबुराव शेंडगे, अंजना कृष्णा बोडके, आशा संजय धात्रक, लंकाबाई केरु ढोनर, ज्ञानेश्वर त्र्यंबक झोले, विमलबाई कचरू शिंदे, बिजलाबाई बबन गोऱ्हे, संतोष देवाचंद बोडके, विठल आनंदा जगताप विजयी झाले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com