MOS offices have no visitors | Sarkarnama


ब्रेकिंग न्यूज

16 दिवसानंतर मराठा आंदोलन मागे, गिरीष महाजनांची शिष्टाई फळाला

राज्य मंत्र्यांच्या कार्यालयांना नागरिकांच्या भेटीची ‘व्याकुळता’

संदीप खांडगेपाटील
शुक्रवार, 28 एप्रिल 2017

मंत्रालयाचा आढावा घेताना कॅबिनेट मंत्री व राज्य मंत्री यामध्ये नागरिकांच्या वर्दळीबाबत कमालीचा फरक पहावयास मिळतो. मंत्रालयात फक्त कॅबिनेट मिटींगच्या दिवशीच जत्रेसारखे वातावरण पहावयास मिळते. कॅबिनेटच्या मिटींगचा अपवाद वगळल्यास अन्य दिवशी कॅबिनेट मंत्रीही त्यांच्या कार्यालयात फारसे फिरकत नसल्याचे पहावयास मिळते.

मुंबई - राज्यातील कामकाज व महत्वाचे निर्णय मंत्रालयातच होत असल्यामुळे मंत्रालयात राज्याच्या कानाकोपर्‍यातून लोंढा मंत्र्यांच्या भेटीसाठी दररोज मोठ्या संख्येने येत असतो. परंतु, हा लोंढा केवळ कॅबिनेट मंत्र्यांच्या कार्यालयाजवळच विसावत असल्याने राज्य मंत्र्यांच्या कार्यालयामध्ये नेहमीच शुकशुकाट पहावयास मिळतो. मंगळवारी कॅबिनेटची मिटींग असतानाही हेच चित्र पहावयास मिळत असल्याने राज्य मंत्र्यांची कार्यालये नागरिकांची भेटीसाठी ‘व्याकुळ’ झाल्याचे पहावयास दिसून येत आहे.

मंत्रालयाचा आढावा घेताना कॅबिनेट मंत्री व राज्य मंत्री यामध्ये नागरिकांच्या वर्दळीबाबत कमालीचा फरक पहावयास मिळतो. मंत्रालयात फक्त कॅबिनेट मिटींगच्या दिवशीच जत्रेसारखे वातावरण पहावयास मिळते. कॅबिनेटच्या मिटींगचा अपवाद वगळल्यास अन्य दिवशी कॅबिनेट मंत्रीही त्यांच्या कार्यालयात फारसे फिरकत नसल्याचे पहावयास मिळते.

दोन-तीन राज्य मंत्र्यांच्या कार्यालयाचा अपवाद वगळता अन्य राज्य मंत्र्यांच्या कार्यालयात त्यांचे कर्मचारी व ओएस,पीएस सोडता अन्य कोणीही पहावयास मिळत नाही. अनेक राज्यमंत्री कॅबिनेट मिटींगच्या दिवशीही मंत्रालयाकडे फिरकत नसल्याचे दिसून येते. त्यांच्या कार्यालयात याबाबत चौकशी केली असता, कॅबिनेटच्या मिटींगला राज्य मंत्र्यांचे काम नसते. तसेच आमच्या खात्याचा कॅबिनेटच्या मिटींगला विषयच नव्हता अशी थातूरमातूर उत्तरे संबंधितांकडून दिली जातात.

एकतर राज्य मंत्र्यांच्या कार्यालयात कामे घेवून येणारे नागरिक तर फिरकतच नाहीत, पण त्या त्या खात्याचे राज्य मंत्रीही आपल्या कार्यालयाकडे फारसे फिरकत नसल्याचे पहावयास मिळते. पूर्वी किमान मंत्री पद आहे म्हणून लाल दिव्याच्या गाडीतून फिरण्याचा मान तरी मिळायचा, पण आता गेल्या काही दिवसापासून लाल दिवाही गेल्याने मंत्र्यांमधील बैचेनी पहावयास मिळते.

कार्यालयात कामे घेवून नागरिक फिरकत नाही, ज्या वाहनातून फिरतो, त्या वाहनावर लाल दिवाही नाही, राज्य मंत्रीही त्यांच्या मंत्रालयातील कार्यालयाकडे फिरकत नसल्याने राज्य मंत्री मंडळातील राज्य मंत्रीपद नावापुरते राहीले असल्याचे मंत्रालयीन अधिकारी वर्गाकडून उपहासाने बोलले जावू लागले आहे.

पूर्वीच्या राष्ट्रवादी काँग्रेस आणि काँग्रेस या आघाडी सरकारच्या काळात आठवड्यातून किमान तीन ते चार दिवस मंत्री राज्यातील नागरिकांना भेटीसाठी उपलब्ध व्हायचे, पण आता कॅबिनेटच्या दिवशी शंभर टक्के हजेरी लावणारे मंत्री अन्य दिवशी त्यांच्या कार्यालयात सहजासहजी उपलब्ध होत नसल्याची नाराजी कामे घेवून येणार्‍या नागरिकांकडून व्यक्त केली जात आहे.

 

संबंधित लेख