सातारा : माजी पंतप्रधान अटलबिहारी वाजपेयी यांच्या अस्थिकलशाचे उद्या (गुरूवारी) साताऱ्यात शिरवळ येथे आगमन होणार आहे. तर शनिवारी (ता. 25) दुपारी कऱ्हाडला प्रीतीसंगम येथे अस्थींचे विसर्जन केले जाणार आहे.
पुण्यावरून अस्थिकलश सकाळी दहा ते अकरा यावेळेत शिरवळ येथे येणार आहे. तेथे तो पुष्पांजली अर्पण करण्यासाठी ठेवण्यात येईल. तेथून खंडाळा, सुरूर, भुईंज, पाचवड येथे दर्शनासाठी ठेवला जाईल. दुपारी एक ते दोन यावेळेत हा अस्थिकलश साताऱ्यातील राजवाडा येथे आणून तेथे पुष्पांजली अर्पण केली जाणार आहे. यावेळी सहपालकमंत्री सदाभाऊ खोत उपस्थित राहून अस्थिकलशाचे दर्शन व मानवंदना कार्यक्रमास उपस्थित राहणार आहेत.
त्यानंतर नागठाणे, उंब्रज, तासवडे (टोलनाका), वहागाव या ठिकाणी ठेऊन इस्लामपूरमार्गे तो सांगलीकडे नेण्यात येणार आहे. शनिवारी (ता. 25 ऑगस्ट) सकाळी दहा वाजता हा अस्थिकलश कऱ्हाड येथील महात्मा गांधी पुतळा येथे दर्शनासाठी ठेवण्यात येणार आहे. त्यानंतर कऱ्हाडातील शाहू चौक, शिवाजी महाराज यांच्या पुतळ्याजवळ, चावडी चौक, आझाद चौक या मार्गावरून अस्थिकलश प्रीतिसंगम येथे ठेवण्यात येईल. दुपारी दोन वाजता प्रीतिसंगम येथे या अस्थींचे विसर्जन कृष्णा कोयना संगमावर करण्यात येणार आहे, अशी माहिती भाजपचे जिल्हाध्यक्ष विक्रम पावस्कर यांनी दिली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.