महाराष्ट्रात पुन्हा मोदी-फडणवीस लाट`...काॅंग्रेस-राष्ट्रवादीची धूळधाण!

महाराष्ट्रात पुन्हा मोदी-फडणवीस लाट`...काॅंग्रेस-राष्ट्रवादीची धूळधाण!

पुणे : भारतीय जनता पार्टी आणि शिवसेनेने राज्यात अपेक्षेपेक्षा मोठी आघाडी मिळत असून अंतिम निकालाअखेर महायुतीला ऐतिहासिक यश मिळण्याची शक्‍यता निर्माण झाली आहे. गेल्या लोकसभा निवडणुकीत 42 जागांवर दणदणीत विजय मिळवलेल्या युतीला पुन्हा  43 जागा मिळताना दिलत आहेत.

सातारा, बारामती व शिरूर  या तीनच मतदारसंघांत राष्ट्रवादी तर कॉंग्रेस केवळ चंद्रपूर मतदारसंघात आघाडीवर राहिली. औरंगाबादमधून इम्तियाज जलील यांची आघाडी वगळली तर राज्यात सर्वत्र केवळ महायुतीचाच बोलबाला राहिला आहे.

कॉंग्रेस-राष्ट्रवादी या निवडणुकीत मोठी प्रगती करेल, अशी राजकीय निरीक्षकांची अटकळ होती. मात्र, ती साफ चुकली आहे.राफेल, भ्रष्टाचार, दुष्काळ आणि भाजपा-शिवसेने विरोधात मोठे वातावरण निर्माण करण्याचा विरोधकांनी केलेला प्रयत्न मतदारांनी मनावर घेतला नसल्याचे या निकालावरून स्पष्ट होत आहे. या निवडणुकीत राष्ट्रवादीचे अध्यक्ष शरद पवार यांनी प्रचारात आणि भाजपा-सेनेविरोधात वातावरण निर्माण करण्यात आघाडी घेतल होती. महाराष्ट्र नवनिर्माण सेनेचे अध्यक्ष राज ठाकरे यांच्या संभांना मिळणाऱ्या प्रतिसादावरून कॉंग्रेस-राष्ट्रवादीच्या आशा वाढल्या होत्या. मात्र, या साऱ्या आशा निकालाने मावळल्या आहेत.

पंतप्रधान नरेंद्र मोदी, मुख्यमंत्री देवेंद्र फडणवीस आणि शिवसेनेचे कार्याध्यक्ष उद्धव ठाकरे यांच्या एकत्रित प्रयत्नांचे हे यश आहे.  मुख्यमंत्र्यांनी 86 हून अधिक सभा घेत प्रचाराचा धुरळा उडवला होता. त्यांचीच रणनीती बऱ्यापैकी होती. उमेदवार निवडीतही त्यांचा शेवटचा शब्द होता.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com