खुर्दा (ओडिशा) : ओडिशामध्ये विविध क्षेत्रांत भ्रष्टाचाराच्या राक्षसाने अक्राळविक्राळ रूप धारण केले आहे, अशी टीका पंतप्रधान नरेंद्र मोदी यांनी बिजू जनता दलाच्या सरकारवर केली. मोदी यांनी आज येथे विविध विकासकामांचे उद्‌घाटन केले.
राज्य सरकारवर टीका करताना मोदी म्हणाले, ""भ्रष्टाचाराच्या राक्षसाला खाद्य कोण पुरवीत आहे ? हा राक्षस सर्व क्षेत्रांत पसरला आहे. ओडिशात विकास होत नसल्याचे चित्र लपून राहिलेले नाही. शेतकरी, महिला आवाज उठवीत आहेत. राज्य सरकारने आयुष्मान भारतसारखी नागरिकांच्या आरोग्याला फायदेशीर असलेली योजनाही स्वीकारण्यास नकार दिला आहे.'' या राज्यात लोकसभा निवडणुकीबरोबरच विधानसभा निवडणूक होण्याची शक्‍यता आहे. अर्थात, ईशान्य भारताच्या विकासासाठी केंद्र सरकार आणि ओडिशा सरकार प्रथमच एकत्रित काम करत असल्याचेही त्यांनी सांगितले.
"पैकांच्या विद्रोह'चा गौरव
ओडिशामध्ये 1817 मध्ये पारंपरिक सैनिक असलेल्या पैकांनी ब्रिटिश ईस्ट इंडिया कंपनीविरोधात विद्रोह केला होता. हा बहुधा देशातील पहिला उठाव होता. या उठावाच्या स्मृतिप्रीत्यर्थ पंतप्रधान नरेंद्र मोदी यांनी विशेष टपाल तिकिटाचे आणि नाण्याचे प्रकाशन केले. मोदींनी आयआयटी भुवनेश्‍वर या संस्थेच्या नव्या जागेचेही उद्‌घाटन केले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.