mns activist eat other state food in multifleX | Sarkarnama

मनसे कार्यकर्त्यांनी बाहेरील पदार्थ थेटरमध्ये नेऊन खाल्ले 

सरकारनामा ब्युरो
सोमवार, 6 ऑगस्ट 2018

मुंबईः बाहेरील खाद्यपदार्थांना अटकाव करण्याच्या मल्टिप्लेक्‍स चालकांच्या मनमानीविरुद्ध सोमवारी महाराष्ट्र नवनिर्माण सेनेच्या कार्यकर्त्यांनी परळच्या "पीव्हीआर'मध्ये सविनय कायदेभंग आंदोलन केले. त्यांनी तिकिट काढून बाहेरील खाद्यपदार्थ चित्रपटगृहात नेऊन खाल्ले. 

मनसेचे प्रवक्ते संदीप देशपांडे यांनी पंधरा कार्यकर्त्यांसह दुपारी पावणेतीनच्या खेळाची तिकिटे काढली. त्यांनी आपल्यासोबत सामोसेही नेले होते. त्यांनीच पूर्वसूचना दिल्याने पोलिसही तेथे हजर होते. चित्रपटगृहाच्या सुरक्षारक्षांनी त्यांची झडती घेऊन खाद्यपदार्थ आत नेऊ शकत नाही असे सांगितले. 

मुंबईः बाहेरील खाद्यपदार्थांना अटकाव करण्याच्या मल्टिप्लेक्‍स चालकांच्या मनमानीविरुद्ध सोमवारी महाराष्ट्र नवनिर्माण सेनेच्या कार्यकर्त्यांनी परळच्या "पीव्हीआर'मध्ये सविनय कायदेभंग आंदोलन केले. त्यांनी तिकिट काढून बाहेरील खाद्यपदार्थ चित्रपटगृहात नेऊन खाल्ले. 

मनसेचे प्रवक्ते संदीप देशपांडे यांनी पंधरा कार्यकर्त्यांसह दुपारी पावणेतीनच्या खेळाची तिकिटे काढली. त्यांनी आपल्यासोबत सामोसेही नेले होते. त्यांनीच पूर्वसूचना दिल्याने पोलिसही तेथे हजर होते. चित्रपटगृहाच्या सुरक्षारक्षांनी त्यांची झडती घेऊन खाद्यपदार्थ आत नेऊ शकत नाही असे सांगितले. 

पोलिसांनीही सुरक्षारक्षकांची बाजू घेतली. जणू या संधीची वाट पहात असलेल्या मनसे कार्यकर्त्यांनी लगेच जोरदार भांडण सुरू केले. "खाणे हा आमचा घटनात्मक अधिकार आहे, तुम्ही आम्हाला त्यापासून रोखू शकत नाही', असे त्यांनी सुरक्षारक्षकांना सुनावले. पोलिसांशीही त्यांना बराच वादविवाद करावा लागला. शेवटी, तुम्ही चित्रपटगृहाचे रक्षक आहात की जनतेचे? तुम्ही का मध्ये पडत आहात, असे त्यांनी पोलिसांनी ऐकवले. शेवटी हे कार्यकर्ते तसेच आत गेले व तेथेच बसून त्यांनी सामोसे खाल्ले. नंतर आत जाऊन काही वेळ चित्रपट पाहून ते सर्वजण निघून गेले. 

बाहेरील खाद्यपदार्थ एक ऑगस्टपासून चित्रपटगृहात नेऊ देण्याबाबतचा जीआर चित्रपटगृहांना मिळाला नाही, असे पोलिसांचे म्हणणे होते; पण हा आमचा दोष नाही. राज्यमंत्री रविंद्र चव्हाण यांनी विधानसभेत यासंदर्भात घोषणा केली होती. त्याला काहीच किंमत नाही का, असा प्रश्‍नही आंदोलकांनी केला. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख