कऱ्हाड : मराठा समाजाच्या महिलांनी आरक्षणासाठी येथील दत्त चौकात ठिय्या आंदोलनास प्रारंभ केला. या आंदोलनास कॉंग्रेसचे आमदार आनंदराव पाटील यांनी पाठिंबा दिला. नवी मुंबई येथील आंदोलनादरम्यान मृत्यु पावलेल्या खोनोली -चाफळ (ता. पाटण) येथील युवक रोहन तोडकर याच्या कुटुंबियांना 2 लाखांची मदत देणार असल्याची घोषणा त्यांनी यावेळी केली.
आमदार पाटील म्हणाले, मी एक मराठा म्हणून आंदोलनात सहभागी झालो आहे. शासनाने मराठा समाजाच्या मागण्या मान्य करुन तातडीने आरक्षण द्यावे. मराठा म्हणून माझा नेहमीच मराठा समाजाच्या मागण्यांना पाठिंबा राहिल. कॉग्रेसच्या आमदारांनी सामुहीक राजीनामा देण्याबाबतचा निर्णय वरिष्ठ पातळीवर घेतला जाणार आहे. नवी मुंबई येथील आंदोलनादरम्यान खोनोली -चाफळ येथील युवक रोहन तोडकर याचा मृत्यु झाला. त्याच्या कुटुंबियांना मी 2 लाखांची मदत देणार आहे. रोहन तोडकर याची हत्या करणाऱ्या संशयीतांना आठवड्यानंतरही अटक का करण्यात आली नाही ? शासनाने या प्रकरणाकडे गांभिर्याने लक्ष देण्याची गरज आहे, असे पाटील म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.