रत्नागिरी : अटलबिहारी वाजपेयी यांनी बाळासाहेब ठाकरेंविषयी अनेक पुस्तकांमध्ये उल्लेख केला आहे. त्याचा 10 टक्के अभ्यास शिवसैनिकांनी केल्यास शिवसेनेचे मताधिक्‍य वाढेल, असे मत आमदार उदय सामंत यांनी व्यक्त केले.
पावस जिल्हा परिषद गटातील कार्यकर्ता मेळाव्याप्रसंगी ते बोलत होते. यावेळी खासदार विनायक राऊत म्हणाले, "केंद्र सरकारने सर्व योजना ऑनलाईन केल्या. त्यासाठी लागणाऱ्या कनेक्‍टिव्हिटीसाठी 25 लाखांची तरतूद केली. "सरकार' नावाच्या योजनेमार्फत सर्व योजना गावात पोचल्या आहेत. सात-बारा उताऱ्यांसह दिल्ली, मुंबई, महाराष्ट्रातील, केंद्र, राज्याच्या सर्व योजना गावांपर्यत पोचल्या आहेत. तरुण, महिला, ज्येष्ठ नागरिक आदींपर्यंत त्या पोचण्याचे प्रभावी माध्यम तयार झाले आहे.'
या वेळी जिल्हा सहसंपर्कप्रमुख राजेंद्र महाडिक, जिल्हाप्रमुख विलास चाळके, महाराष्ट्र क्रिकेट असोसिएशनचे सदस्य किरण सामंत, प्रमोद शेरे, दीपक सुर्वे, बंड्या साळवी, शिल्पाताई सुर्वे, सुभाष पावसकर, विनया गावडे, कांचन नागवेकर, आरती तोडणकर, विभागप्रमुख किरण तोडणकर, तालुका सरपंच संघाचे अध्यक्ष विजय चव्हाण आदी उपस्थित होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.