पुणे : मराठवाड्यातील पाणीप्रश्न दिवसेंदिवस गंभीर होत चालला असून, त्याचा फटका देखील बसण्याचा धोका निर्माण झाला आहे. केजच्या आमदार संगिता ठोंबरे यांनी लातूर एमआयडीसीचा पाणीपुरवठा बंद करण्याची मागणी केल्यानंतर जलसंपदा मंत्र्यांनी ती तातडीने मान्य केली. परिणामी शेकडो कारखाने बंद होणार आहेत.
मांजरा धरणावर लातूर, केज आणि अंबेजोगाई या तीन शहरांचा पाणीपुरवठा अवलंबून आहे. धरणात अत्यल्प साठा असल्याने आतापासूनच पाणीकपात सुरू झाली आहे. केज आणि अंबोजोगाई तालुक्यांत अत्यल्प पाऊस झाल्याने येथेही पाण्याचे संकट निर्माण झाले आहे. या दोन्ही ठिकाणी पाणी मिळविण्यासाठी लातूर एमआयडीसीचा पाणीपुरवठा थांबविणे गरजेचे होते. त्यानुसार त्यांनी जलसंपदामंत्री गिरीश महाजन यांच्याकडे ठोंबरे यांनी मागणी केली होती.
त्यांच्या मागणीनंतर एमआयडीसीचा पाणीपुरवठा आजपासूनच थांबविण्यात आला. त्यामुळे कारखाने बंद पडून कामगारांवरही बेकारीची कुऱ्हाड कोसळण्याचा धोका व्यक्त होत आहे. ठोंबरे यांच्याविरोधात साहजिकच संताप व्यक्त केला जात आहे. दुसरीकडे ठोंबरे यांच्या मतदारसंघासाठी मात्र पाणी मिळण्याचा मार्ग मोकळा झाला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.