आमदार रवी राणांचा फंडा : दरवर्षी एक हजार कुटुंबांना दिवाळीनिमित्त किराणा

दिवाळी आल्यानंतर 'आमदार रवि राणा, गरीबांना देतात किराणा' अशी घोषणा या परिसरात परिचित झाली आहे.
Navneet-&Ravi-Rana
Navneet-&Ravi-Rana

अमरावती  : निवडणुका जवळ आलेल्या असताना   आमदार रवी राणा  आणि नवनीत कौर राणा यांनी  एक  हजार कुटुंबांना दिवाळीच्या किराणाचे वाटप केले आहे .  प्रत्येक दिवाळीला निवडणूक नसते पण आपण दरवर्षी दिवाळीला गरीब कुटुंबाना किराणा वाटप करतो असे आमदार रवी राणा म्हणतात . 

दरवर्षीप्रमाणे यंदाही रवी राणा व नवनीत राणा गोरगरीब नागरिकांची दिवाळी साजरी होण्याकरिता किराणाचे वाटप करीत आहेत. दरवर्षी दिवाळी आल्यानंतर रवि राणा एक हजार गरीबांना मोफत किराणा देतात व त्यांची दिवाळी चांगली करण्यासाठी दरवर्षी हा उपक्रम राबवितात. त्यामुळे दिवाळी आल्यानंतर 'आमदार रवि राणा, गरीबांना देतात किराणा' अशी घोषणा या परिसरात परिचित झाली आहे. 

त्यामध्ये साखर, मुरमुरे, पोहा, मैदा, रवा, मसाला, मिरची पावडर, शेंगदाणे, डाळ, डालडा आदींचा समावेश असतो. किराणा भरलेल्या पिशव्या नागरिकांच्या घरापर्यंत पोहोचविण्यात येत आहेत.

शिक्षक, डॉक्‍टर, व्यावसायिक व सामाजिक कार्यकर्ते अशी चारशे लोकांची चमू स्वयंसेवकांची भूमिका पार पाडत आहे. राणा दाम्पत्यांची दिवाळी भेट ही निवडणुका डोळ्यांसमोर ठेवून जरी असली तरी ती गरिबांना भावणारी आहे. त्यामुळे दरवर्षी दिवाळी आली की, बडनेरा मतदारसंघातील गरीबांना आमदार रवि राणा यांची आठवण येते. 

या संदर्भात 'सरकारनामा'शी बोलताना आमदार रवि राणा म्हणाले, " दिवाळी हा आपला सर्वात मोठा सण आहे. हा सण प्रत्येक घरात आनंदाने साजरा व्हावा, असे वाटते परंतु गरीबीमुळे अनेकांना आपल्या घरात गोडधोडही करता येत नाही. ही अडचण लक्षात घेऊन आपण गरीबांना किराणा पुरविण्याचा हा उपक्रम गेल्या अनेक वर्षांपासून राबवित आहे. यात निवडणुकीचा कोणताही उद्देश नसतो. प्रत्येक वर्षी निवडणूक  येत नाही. तरी प्रत्येक वर्षी हा उपक्रम आपण राबवितो."

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com