पुणे : आमदार मोहनराव कदम यांच्या हस्ते आज सकाळी पलूस आगाराची पलूस-पुणे एसटी सुरु करण्यात आली.पलूसवरून चिंचणीत आलेल्या गाडीचे मोहनराव कदम यांनी नारळ फोडून पूजन केले.यावेळी नारळ फोडल्यावर कदम निघून जातील असं लोकांना वाटलं.पण कदम त्यांच्या गाडीच्या चालकाला म्हणाले,"तू जा.मी एसटीने येतो."
अस म्हणत ते एसटीत गेले.ते गेल्यावर सोबत त्यांचे कार्यकर्तेही बसले.मग गाडीत कंडक्टर आल्यावर मोहनरावांनी माणसं मोजली आणि म्हणाले,"वाजेगाव सहा द्या."मोहनराव कदम एसटी बसले हे पाहून लोकांतही आश्चर्य व्यक्त केले जाऊ लागले. चिंचणी ते वाजेगाव असा सहा किलोमीटरचा प्रवास कदम यांनी एसटीतून केला.
यावेळी कदम म्हणाले,"अनेक वर्षांनी एसटीतुन प्रवास करतोय.या प्रवासाने जुन्या आठवणी जाग्या झाल्या, एसटीची वाट बघत असल्यावर जेव्हा दूरवर धुरळा उडालेला दिसायचा आणि लाल गाडी दिसायची तेव्हा खूप आनंद व्हायचा.त्या आठवणींनी मनाला खूप बरं वाटतंय.एसटी हा ग्रामीण विकासाचा कणा आहे.सामान्य माणसाला एसटीने विकासाच्या प्रवाहात आणलं आहे."
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.