शिवसेनेच्या होर्डिंग्सरून चक्क आमदारच गायब !

डॉ. सुजित मिणचेकर आणि जिल्हाप्रमुख मुरलीधर जाधव यांच्यात वादाची ठिणगी पडली.सार्वजनिक कार्यक्रमांतून हा वाद उघडपणे स्पष्ट जाणवू लागलाआहे.
hatkanagale
hatkanagale

हातकणंगले : शिवसेनेचे कार्याध्यक्ष उद्धव ठाकरे यांच्या आयोध्या दौऱ्यानिमित शिवसेनेच्या वतीने जागोजागी उभारलेल्या  फलकांवरून चक्क हातकणंगले मतदार संघातील शिवसेनेचेच आमदार डॉ. सुजित मिणचेकर गायब आहेत. 

यावरून शिवसैनिकांची त्यांच्यावरील नाराजी आणि शिवसेनेतील अंतर्गत बंडाळी चव्हाट्यांवर आली आहे. याचे परिणाम आगामी विधानसभा निवडणूकीत निश्चितच जाणवणार आहेत.

गेली दहा बर्ष डॉ. सुजित मिणचेकर हातकणंगले विधानसभा मतदारसंघाचे प्रतिनिधित्व करत आहेत. शिवसेना -भिमसेना युतीच्या माध्यमातून ते निवडणूक लढवत आहेत. सुरुवातीच्या काळात शिवसेनेत सर्व काही आलबेल होते. मात्र 2014 च्या निवडणूकीपूर्वीच काही दिवस आ. मिणचेकर आणि जिल्हाप्रमुख मुरलीधर जाधव यांच्यात वादाची ठिणगी पडली.

 सार्वजनिक कार्यक्रमांतून हा वाद उघडपणे स्पष्ट जाणवू लागला. हा वाद इतका विकोपाला गेला की मुरलीधर जाधव आणि त्यांच्या समर्थकांतून आ. मिणचेकरांच्या उमेदवारीला थेट विरोध केला गेला. निवडणूक तोंडावर असत्याने मिणचेकरांनी जुळवून घेत निवडणूक पार पाडली आणि ते सलग दुसऱ्यांदा आमदार झाले.

मात्र अलिकडच्या काळात हा वाद परत उफाळून आला आहे. जाधव समर्थकांनी आ. मिणचेकरांना उघड विरोथ सुरू केला आहे. यामुळे शिवसेनेत दोन गट पडलयाचे स्पष्ट झाले आहे. उद्धव ठाकरे यांच्या आयोध्या दौऱ्यानिमित्त जागोजागी फलक उभारले आहेत. 

हातकणंगले तालुक्यांत उभारलेल्या फलकांवर शिवसेनाप्रमुख बाळासाहेब ठाकरे, कार्याध्यक्ष उद्धव ठाकरे, युवा सेनाध्यक्ष आदित्य ठाकरे, पर्यावरण मंत्री रामदास कदम, परिवहन मंत्री दिवाकर रावते, जिल्हप्रमुख मुरलीधर जाधव, उपप्रमुख साताप्पा भवान, तालुकाप्रमुख बाजीराव पाटील आदींसह काही कार्यकत्याचे फोटो आहेत मात्र यात शिवसेनेचे आमदार डों. सुजित मिणचेकर योना स्थान दिलेले नाही. यातून त्यांच्यावरील नाराजी आणि शिवसेनेतील गटबाजी उघडपणे सर्वांसमोर आल्याचे बोलले जात आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com