क्रीम पोस्ट मिळवण्यासाठी असे अधिकारी चमचेगिरी करतात!

सुरज गुरव यांचेवर हक्कभंग दाखल करणार
क्रीम पोस्ट मिळवण्यासाठी असे अधिकारी चमचेगिरी करतात!

कोल्हापूर : महापौर निवडणुकीत हुज्जत आणि अरेरावी करणाऱ्या डीवायएसपी सुरज गुरव यांचेवर हक्कभंग दाखल करणार असल्याची माहिती आमदार हसन मुश्रीफ यांनी पत्रकार परिषदेत दिली.

महापौर निवडीच्या प्रक्रियेसाठी महापालिकेच्या इमारतीमध्ये प्रवेश करण्यास सत्तारुढ कॉंग्रेस व राष्ट्रवादी कॉंग्रेसच्या नगरसेवकांना ओळखपत्राची मागणी पोलीस उपअधीक्षक सुरज गुरव करत होते. मी त्यांना कायदा सुव्यवस्था सांभाळण्याची जबाबदारी आहे, ती पार पाडा असे सांगितले. तसेच ओळखपत्र बघण्याचे काम महापालिका अधिकाऱ्यांचे असल्याचे सांगितले. आमच्या नगरसेवकांना महापालिकेत न सोडण्याचा डाव पोलीस अधिकारी करत होते. त्याला आपण अटकाव करत होतो. मात्र गुरव यांनी हुज्जत घालायला सुरुवात केली. त्यांचा मी निषेध करत आहे. तसेच गुरव यांच्यावर मी हक्कभंग प्रस्ताव आणणार असल्याचे आमदार मुश्रीफ यांनी सांगितले .

भाजपच्या काळात चांगल्या क्रीम पोस्ट मिळवण्यासाठी असे अधिकारी चमकुगिरी, चमचेगिरी करत आहेत. चहापेक्षा किटली गरम असल्याची टीका आमदार मुश्रीफ यांनी केली.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com