मिझोरममध्ये काँग्रेसला धक्का- मिझो नॅशनल फ्रंटची आघाडी

मिझोराम काँग्रेसचा हात सोडणार असल्याचे सुरवातीच्या कौलानुसार स्पष्ट झाले आहे. मिझो नॅशनल फ्रंटने काँग्रेसला जोरदार टक्कर देत सुरवातीच्या कौलानुसार आघाडी घेतली आहे. सकाळी दहापर्यंत एकूण 40 जागांपैकी मिझो नॅशनल फ्रंटला 23 तर काँग्रेसला 14 जागांवर आघाडी मिळाली होती.
मिझोरममध्ये काँग्रेसला धक्का- मिझो नॅशनल फ्रंटची आघाडी

मिझोरम- मिझोराम काँग्रेसचा हात सोडणार असल्याचे सुरवातीच्या कौलानुसार स्पष्ट झाले आहे. मिझो नॅशनल फ्रंटने काँग्रेसला जोरदार टक्कर देत सुरवातीच्या कौलानुसार आघाडी घेतली आहे. सकाळी दहापर्यंत एकूण 40 जागांपैकी मिझो नॅशनल फ्रंटला 23 तर काँग्रेसला 14 जागांवर आघाडी मिळाली होती.

दरम्यान, राज्यातील एकूण 40 जागांवर आज मतमोजणी होत आहे. मिझोराममधल्या मतमोजणी केंद्रांवर कडक सुरक्षा व्यवस्था तैनात करण्यात आली आहे. या निवडणुकीत मिझोराम पीपल्स कान्फरन्स, मिझो नॅशनल फ्रंट आणि काँग्रेसचे उमेदवार निवडणुकीच्या रिंगणात असून, मुख्य लढत मिझो नॅशनल फ्रंट आणि काँग्रेसमध्ये पाहायला मिळत आहे. मिझोराममध्ये 40 जागांसाठी मतदान झाले होते. यामध्ये आठ राजकीय पक्षांच्या एकूण 209 उमेदवारांचं भविष्य आज ठरणार आहे. या निवडणुकीसाठी मिझोराममध्ये एकूण  7,70,395 मतदारांनी मतदानाचा हक्क बजावला आहे. यात 374,496 पुरुष, 3,94,897 महिला मतदारांचा समावेश होता.

मिझोराम- एकूण जागा 40 (बुहुमतासाठी- 21)
मिझो नॅशनल फ्रंट- 23
काँग्रेस - 14
इतर- 02

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com