मीरा भाईंदरमध्ये भाजप- शिवसेनेमध्येच 'काटो की टक्कर 

मीरा भाईंदरमध्ये भाजप- शिवसेनेमध्येच 'काटो की टक्कर 

मुंबई : मीरा भाईंदर महापालिका निवडणुकीसाठी आज सकाळी (रविवारी) मतदानाला मोठ्या उत्साहात सुरवात झाली. भाजप आणि शिवसेना या दोन मित्रपक्षांमध्येच "काटो की टक्कर' असल्याचे चित्र निर्माण झाले आहे. त्यात भाजप आमदार नरेन्द्र मेहता यांच्या एकहाती कारभाराला सुरुंग लावण्याचा प्रयत्न शिवसेनेसह कॉंग्रेस राष्ट्रवादीकडून केला जात आहे. शिवसेनेने ही निवडणूक मात्र प्रतिष्ठेची केली आहे. 

मीरा भाईंदर महापालिकेच्या 95 जागांसाठी एकूण 509 उमेदवर रिंगणात आहेत. जैन, गुजराती, मारवाडी, उत्तर भारतीय मतदारांची लक्षणीय संख्या असलेल्या मीरा-भाईंदर महानगरपालिकेसाठी 5 लाख 93 हजार 345 मतदार आहे. यावेळी सत्ता राखण्याचे भाजपपुढे मोठे आव्हान आहे. स्थानिक भाजप आमदार नरेंद्र मेहता यांच्या एकाधिकारशाहीमुळे बंडखोरी, पक्षांतर्गत कुरघोडी मतदारापर्यंत पोहचल्या आहेत. त्यातून भाजपला रोखण्यासाठी शिवसेनेनेही प्रचारात जोर लावला.

 या निवडणुकीत भाजप, शिवसेना, कॉंग्रेस, राष्ट्रवादी कॉंग्रेस, मनसे, बहुजन विकास आघाडी, स्थानिक आघाडी असे विविध पक्ष उतरले असले तरी भाजप आणि शिवसेना या दोन पक्षामध्ये सत्तेसाठी लढाई आहे. 

या निवडणुकीकडे मुख्यमंत्री देवेंद्र फडणवीस यांची बारकाईने लक्ष दिले असले तरी भाजपची धुरा आमदार नरेंद्र मेहता आणि प्रभारी नेते व राज्यमंत्री रवींद्र चव्हाण यांच्यावर होती. दुसरीकडे शिवसेनेने भाजपला सत्तेपर्यंत पोहोचू द्यायचे नाही, अशी व्यूहरचना केली. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com