औरंगाबाद : जिल्ह्यातील लिंबेजळगाव येथे 24 ते 26 फेब्रुवारी दरम्यान राज्यस्तरी इज्तेमाचे आयोजन करण्यात आले होते. केवळ महाराष्ट्रच नाही तर बाहरेच्या राज्यांतून या इज्तेमासाठी मुस्लिम बांधव आले होते . अचानक इतकी माणसे आल्याने वाहतुकीवर ताण पडला . मात्र वाहतुकीची कोंडी फोडण्यासाठी आमदार इम्तियाज जलील स्वतः रस्त्यावर उतरल्याचे चित्र पाहावयास मिळाले .
लाखोंच्या गर्दीत तीन दिवसांपासून सुरु असलेल्या इज्तेमाचा समारोप सोमवारी झाला. त्यानंतर आपापल्या भागात पोचण्यासाठी मोठी गर्दी झाली होती. लिंबेजळगाव येथून निघालेल्या वाहनांना स्वयंसेवका सोबतच मध्य विधानसभा मतदरासंघाचे आमदार इम्तियाज जलील यांनी देखील मार्ग मोकळा करून देण्यासाठी मदत केली.
लिंबेजळगांव येथील राज्यस्तरीय इज्तेमा लाखोंची गर्दी आणि उत्कृष्ट नियोजनामुळे सध्या चर्चेचा विषय ठरत आहेत. देशभरातून या इज्तेमासाठी 22 फेब्रुवारीपासूनच मुस्लिम बांधवांची गर्दी लिंबेजळगावात व्हायला सुरूवात झाली होती. लाखोंची होणारी गर्दी, त्याद्वारे शहरात येणारी हजारो वाहने यामुळे वाहतूक कोंडी होऊ नये याची काळजी आयोजकांनी घेतली होती.
सोमवारी दुपारच्या प्रार्थनेनंतर इज्तेमाचा समारोप झाला आणि लाखोंची गर्दी परतीच्या मार्गावर निघाली. यावेळी इज्तेमासाठी हजर असलेले आमदार इम्तियाज जलील यांनी स्वयंसेवकांच्या सोबत रस्त्यावर उभे राहून जाणाऱ्या वाहनांना मार्ग मोकळा करून देण्यास मदत केली. हातात काठी घेऊन ते वाहनांनी दिशा दाखवत होते.
विशेष म्हणजे राज्यस्तरीय इज्तेमाच्या पुर्वतयारीची पाहणी करण्यासाठी भाजपचे प्रदेशाध्यक्ष रावसाहेब दानवे, विधानसभा अध्यक्ष हरिभाऊ बागडे, मंत्री बनबराव लोणीकर, खासदार चंद्रकांत खैरे, आमदार अतुल सावे, संजय सिरसाट कॉंग्रेसचे आमदार सुभाष झाबंड आदींसह अनेक राजकीय पक्षांच्या नेत्यांनी लिंबेजळगावला भेट दिली होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.