औरंगाबादः "उठसूठ महापालिकेवर भ्रष्टाचाराचे आरोप करणारे एमआयएमचे आमदार इम्तियाज जलील यांनी एकतरी भ्रष्टाचार सिध्द करून दाखवावा," असे आव्हान शिवसेनेचे महापौर नंदकुमार घोडेले यांनी दिले आहे.
स्मार्ट सिटी योजनेतून शहर बस खरेदी करताना फक्त टाटा कंपनीलाच कंत्राट मिळावे म्हणून महापालिकेने प्रयत्न केल्याचा आरोप करत यात भ्रष्टाचार झाल्याचा दावा इम्तियाज जलील यांनी बुधवारी केला होता. त्याला महापौर नंदकुमार घोडेले यांनी गुरुवारी (ता. दोन) एमआयएमच्या आमदारांनी एखादा तरी भ्रष्टाचार सिद्ध करून दाखवावा, असे आव्हान दिले.
महापालिकेत सत्ताधारी असलेल्या शिवसेना-भाजपवर आमदार इम्तियाज जलील यांनी नेहमीच प्रश्नचिन्ह उभारात भ्रष्टाचाराचे आरोप केले आहेत. समांतर, एलईडी, कचरा आदी विषयावर विधीमंडळात देखील त्यांनी काही मुद्दे उपस्थित केले होते.
वारंवार होणाऱ्या भ्रष्टाचाराच्या आरोपांना वैतागलेल्या महापौरांनी " ते नौंटकी करतात' असा टोला लगावला होता. आमदार जलील हे तज्ज्ञ आहेत का? असा सवाल करत बस खरेदीसाठी ज्या अटी आहेत, त्यात प्रशासनाने काही गडबड केली असेल तर त्यांनी त्या समोर आणून द्याव्यात. प्री-बीडच्या वेळी इतर कंपन्यांनी आक्षेप घ्यायला पाहिजे. आमदारांनी पुरावे सादर करून आरोप करावेत. ते सिद्धही करावे . जेणेकरून महापालिकेचा फायदा होईल असा चिमटा देखील महापौर घाेडेले यांनी काढला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.