एमआयएम नगरसेवक मतीन यांना पुन्हा प्रवेश नाकारला

 एमआयएम नगरसेवक मतीन यांना पुन्हा प्रवेश नाकारला

औरंगाबाद : एमआयएम नगरसेवक सय्यद मतीन यांना पुन्हा एकदा महापालिकेच्या सर्वसाधारण सभेत प्रवेश नाकारण्यात आला. भाजप नगरसेवकांनी त्यांना प्रवेश देण्यास कडाडून विरोध केला तर त्यांच्यावरील कारवाई रद्द करण्यात यावी या मागणीसाठी एमआयएम नगरसेवकांनी सभागृहात ठिय्या आंदोलन केले. त्यानंतर महापौरांनी सुमारे पंधरा नगरसेवकांचे सदस्यत्व एका दिवसासाठी रद्द केले. 

शहरातील विस्कळीत झालेल्या पाणीपुरवठा व मालमत्ता कर, पाणीपट्टी वसुलीसंदर्भात महापालिकेच्या विशेष सर्वसाधारण सभेचे गुरुवारी (ता.एक) आयोजन करण्यात आले होते. सभेला सुरुवात होताच भाजपचे गटनेते प्रमोद राठोड यांनी माजी पंतप्रधान अटलबिहारी वाजपेयी यांच्या बद्दल अपमानास्पद वक्‍यव्य करणाऱ्या एमआयएम नगरसेवक सय्यद मतीन यांना सर्वसाधारण सभेत प्रवेश देण्यात येऊ नये अशी मागणी केली. 

त्यावर एमआयएम, कॉंग्रेस नगरसेवकांनी आक्षेप घेतला. मतीन यांना सभागृहात मारहाण झाली होती. ज्या सदस्यांनी त्यांना मारहाण केली त्यांच्यावरही कारवाई करण्यात यावी अशी मागणी यावेळी करण्यात आली. मात्र महापौरांनी मतीन यांना प्रवेश न देण्याचा निर्णय कायम ठेवल्याने एमआयआय नगरसेवकांनी सभागृहातच ठिय्या आंदोलन केले. त्यानंतर सुमारे 15 नगरसेवकांचे सदस्यत्व रद्द करण्याचा निर्णय महापौरांनी घेतला. 

खुर्च्यांची तोडफोड 
सदस्यत्व रद्द केल्यानंतर बाहेर पडणाऱ्या नगरसेवकाने खुर्च्यांची तोडफोड केली. त्यामुळे सभागृहाबाहेर काही काळ तणाव निर्माण झाला होता. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com