नगर : मराठा समाजाला आरक्षणाच्या मागणीसाठी सकल मराठा समाजाच्यावतीने नऊ ऑगस्ट रोजी होणाऱ्या आंदोलनाची जोरदार तयारी सुरू झाली आहे. आंदोलनात कुटुंबासह उपस्थित राहत आंदोलनस्थळीच चुली बनवून जेवण करण्याचे नियोजन आंदोलकांनी केले आहे.
माळीवाडा येथील बसस्थानकाजवळील श्री छत्रपती शिवाजी महाराज चौकात सकाळी नऊ वाजता सर्वात मोठा रास्ता रोको होणार आहे, असा निर्णय समाजाच्या बैठकित घेण्यात आला.
जोपर्यंत सरकार आरक्षणाबाबत निर्णय देत नाही, तोपर्यंत आंदोलन सुरूच ठेवण्याचा इशारा देण्यात आला आहे. त्यामुळे काही आंदोलक जेवणाचे डबे सोबत घेवून रस्त्यावरच जेवण करणार आहेत. सकल मराठा समाजाने सोशल मीडियावर शांततेत मोर्चा काढण्याचे आवाहन केले आहे. कुठेही जाळपोळ होणार नाही, याची खबरदारी घेण्याचे आवाहन करण्यात आले आहे. तसेच जिल्हाभरातील प्रमुख महामार्ग रोखण्यात येणार आहेत. मोर्चाच्या दिवशी हॉस्पिटल, वैद्यकीय सेवा वगळता सर्व व्यवसाय बंद ठेवून सहकार्य करण्याचे आवाहन आंदोलकांनी केले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.